Tuesday, August 7, 2012

ပူးပေါင်းကြသည်ဟု ဆိုရာဝယ်

ပူးပေါင်းဆောင်ရွက်မှုများကို ခြေရာခံကြည့်ယင် ၈၈ မျိုးဆက်ကနေ စလာတာ မဟုတ်ပါဘူး။ ၈၈ ခေါင်းဆောင်တွေက ဒီချုပ်လိုပဲ ဆုံးဖြတ်ခဲ့လို့ အစိုးရနဲ့ လက်ရှိပူးပေါင်းဆောင်ရွက်မှုများကို လုပ်နေခြင်းပါ။ ဒီလိုပူးပေါင်းဆောင်ရွက်တယ့်နေရာမှာ

၁။ ဒီချုပ်က လွှတ်တော်နိုင်ငံရေးထဲ ဝင်ပြီး ဒီမိုကရေစီရေးအတွက် တိုက်ပွဲဝင်မယ်။

၂။ ၈၈ မျိုးဆက်များက လူမှုနိုင်ငံရေးနဲ့ ဒီမိုကရေစီတိုက်ပွဲကို ဝင်မယ်။

ဒါက အခြေခံပါ။


လွှတ်တော်နိုင်ငံရေးဟာ အမျိုးသားနိုင်ငံရေးမဟုတ်

ဒီချုပ်က သူ့မှာ လက်နက်ကိုင်တပ်မတော် မရှိပါ။ လက်နက်ကိုင်တပ်မတော်ကလည်း သူ့ဘက်မှာ မရပ်တည်ပါ။ လက်နက်ကိုင်တပ်မတော်က သူ မွေးထုတ်လိုက်တယ့် ပြည်ခိုင်ဖြိုးဘက် ပါနေတယ်။ စစ်အစိုးရတုန်းက ထိပ်တိုက်ရင်ဆိုင်မှုကနေ ခြေကုန်လက်ပမ်းကျနေတုန်း ပြည်ပဖိအားကလည်း ရှိနေလို့ နှစ်ဖက်စလုံးက ပူးပေါင်းဆောင်ရွက်ကြဖို့ အားထုတ်လာကြတာ ဖြစ်ပါတယ်။

ဒီလို ပူးပေါင်းဆောင်ရွက်တယ့်နေရာမှာ ဒီချုပ်ဘက်က နိုင်ငံရေးသိက္ခာ အနည်းငယ် ချခဲ့ရပါတယ်။ ဒီချုပ်ရွေးချယ်ခဲ့တယ့် လွှတ်တော်နိုင်ငံရေးဟာ အမျိုးသားနိုင်ငံရေးမဟုတ်၊ ပါတီနိုင်ငံရေးဖြစ်လို့ ဒီမိုကရေစီအင်အားစုတွေကြားမှာ အမာဂိုဏ်း၊ အပျော့ဂိုဏ်း၊ ရေသာချောင်ခိုဂိုဏ်းတွေ ပေါ်ပေါက်လာရတယ်။


ဒါကို အကင်းပါးတယ့် အစိုးရကလည်း သူ့မှာ အမာဂိုဏ်းနဲ့ အပျော့ဂိုဏ်း မရှိကြောင်း ပြောနေပေမယ့် ရှိနေတယ်လို့ သိရအောင် လမ်းကြောင်းခင်းထားတယ်။ သမိန်ဗရမ်းက ဂါမဏိကို အနိုင်ယူတယ့်နည်းပေါ့။ ယဉ်ပါးအောင် လုပ်တာ၊ ပင်ပမ်းအောင် လုပ်တာ၊ ငြီးငွေ့အောင် လုပ်တာ၊ စိတ်ဓာတ်သေးသိမ်အောင် လုပ်တာ ... ပြီးတော့ တစ်ချက်ထဲနဲ့ အနိုင်ပိုင်းဖို့ပါပဲ။

သတိထားသင့်တာက အတိုက်အခံပါတီဆိုတာ အစိုးရမဟုတ်ဘူး။ အတိုက်အခံပါတီမှာ အယူအဆ ကွဲပြားခွင့် ရှိတယ်။ အမျိုးသားနိုင်ငံရေးမှာလည်း အမြင်ကွဲခွင့် ရှိတယ်။ ဒါပေမယ့် အစိုးရမှာ အယူအဆ၊ မူဝါဒ ကွဲပိုင်ခွင့်မရှိဘူး။ ညွန့်ပေါင်းအစိုးရအချို့မှာတောင် အမာဂိုဏ်းအပျော့ဂိုဏ်း မထားဘူး။ အခု သိန်းစိန်အစိုးရမှာ ပြောချင်ရာပြောနေတယ့်လူ၊ အာဝဇ္ဇန်းရွှင်ရွှင်နဲ့ စည်းရုံးနေသူ၊ ခပ်တည်တည်နဲ့ ရပ်တည်နေသူ၊ စစ်ကို တိုက်ချင်သလို တိုက်နေသူ ဒါတွေက မူမမှန်ဘူး။

အမှန်မတော့ ဒီချုပ်က အမျိုးသားနိုင်ငံရေးလုပ်နေတုန်းက အတိုက်အခံအားလုံးကို စုစည်းနိုင်ခဲ့သလို လွှတ်တော်နိုင်ငံရေးကို လုပ်တယ့်အခါမှာ ပွင့်ပွင့်လင်းလင်း ပြောရယင် အားလုံးကို ကိုယ်စားမပြုနိုင်တော့ပါ။ ဒါကို ဒီချုပ် လက်ခံရပါလိမ့်မယ်။ ဒါကြောင့်လည်း မဟာမိတ်ပါတီများက ဒီချုပ်ရဲ့ မရှင်းမလင်းမူဝါဒကြောင့် သိန်းစိန်နား ရောက်ကုန်ကြတာ ဖြစ်တယ်။


လူမှုနိုင်ငံရေးဟာ ကျေးကျွန်နိုင်ငံရေးမဟုတ်

လူမှုနိုင်ငံရေးအရေးကြီးပုံကို ၂၀၀၉ ကတည်းက ရေးဖူးပါတယ်။ ၈၈ မျိုးဆက်များက လူမှုအခြေပြုနိုင်ငံရေးကို လုပ်မယ်ဆိုတော့ အတိုင်းထက် အလွန်ပေါ့။ အားရပါတယ်။ ဒါ မှန်ကန်တယ့် ရွေးချယ်မှုပါပဲ။ ပါတီထောင်ပြီး လွှတ်တော်နိုင်ငံရေးကို မလုပ်ဘူး။ အမျိုးသားနိုင်ငံရေးကို လုပ်နေတုန်းပါ။ အမျိုးသားနိုင်ငံရေးဆိုတော့ ပြည်သူတိုင်း၊ ပါတီတိုင်း၊ လူမျိုးတိုင်း ပါဝင်နိုင်ပါတယ်။ ဒါပေမယ့် စည်းတစ်ခုကိုတော့ ထားရပါတယ်။

ဘာကြောင့် အမျိုးသားနိုင်ငံရေးကို လုပ်နေရပါသလဲ။

ကိုယ့်ကိုယ်ကို မေးပါ။

စစ်အုပ်ချုပ်မှုကို မကြိုက်လို့၊

၂၀၀၈ ဥပဒေကို မကြိုက်လို့၊

လက်ရှိအစိုးရဟာ ဒီမိုကရေစီနည်းကျတက်လာတာ မဟုတ်လို့ ဒီမိုကရေစီနည်းကျ အစိုးရတစ်ရပ်ကို ထူထောင်ချင်လို့ ဆိုတာ သေချာပါတယ်။ အကျဉ်းချုံးလိုက်ယင် အမျိုးသားနိုင်ငံရေးဆိုတာ တော်လှန်ရေးတစ်ခုကို လုပ်နေတာ ဖြစ်တယ်။ အစိုးရကို ဖြုတ်ချဖို့ မဟုတ်သော်ငြားလည်း အစိုးရအပြောင်းအလဲဖြစ်ဖို့၊ ဖွဲ့စည်းပုံအပြောင်းအလဲဖြစ်ဖို့ လုပ်နေတာပါ။

ဒီလို လုပ်နေချိန်မှာ အစိုးရက သူ့သမိုင်းကို သူ ကာကွယ်သလို မိမိတို့ကလည်း မိမိတို့သမိုင်း ရှိပါတယ်။ မိမိတို့သမိုင်းကို သေးသိမ်အောင် မလုပ်မိစေဖို့ ရှောင်ရပါတယ်။

ဥပမာ အင်္ဂလိပ်အစိုးရက ရွှေတိဂုံဘုရားပေါ် ဖိနပ်စီးပြီး တက်တယ်။ မွန်မြန်မာတွေက မကျေနပ်ကြဘူး။ မြန်မာ့လွတ်လပ်ရေးဆိုတာ ဖိနပ်က စတယ်လို့ ပြောလို့ ရတယ်။ တကယ်လို့ ဖိနပ်စီးခဲ့တာတွေကို ချေချင်လို့ အင်္ဂလိပ်အစိုးရက ရွှေတိဂုံကို ဝတ္ထုငွေ လှူခဲ့မယ်၊ မွန်မြန်မာများကလည်း ကျေနပ်ခဲ့မယ်ဆိုယင် မြန်မာ့လွတ်လပ်ရေးဆိုတာ ရှိလာမှာမဟုတ်ပါ။ ဖိနပ်စီးခဲ့တာကို ဝန်ချတောင်းပန်ရမယ်။ နောင်အခါ မစီးဖို့လည်း ကတိပြုရမယ်။ ဝန်ချတောင်းပန်မှုလည်း မရှိ၊ ကတိပေးမှုလည်း မရှိပါဘဲ အနာမာသဝတ္ထုတော်ငွေ အနည်းငယ် ကပ်လှူလိုက်ရုံနဲ့ အားရပါးရ ဝမ်းမြောက်ဝမ်းသာ ဖြစ်နေယင် သူတို့လုပ်တယ့်အမျိုးသားနိုင်ငံရေးဟာ ဈေးပေါလှပါတယ်။ ကျေးကျွန်နိုင်ငံရေးအဆင့် လျှောကျသွားတယ်။


ဒီလို မြင်တယ်

ဒီချုပ်က လွှတ်တော်နိုင်ငံရေးမှာ ပါဝင်ခဲ့လို့ အတိုက်အခံအတော်များများက လွှတ်တော်နိုင်ငံရေးကို ထောက်ခံရမလား၊ အမျိုသားနိုင်ငံရေးကိုပဲ ဆက်လုပ်ရမလား ဝိရောဓိ ဖြစ်ကုန်ရတယ်။

မူအနေနဲ့ ပြောရယင်

၁။ ဒီချုပ်က လွှတ်တော်နိုင်ငံရေး လုပ်မယ်။ လွှတ်တော်မှာ ထိုးဖောက်မယ်။ ၂၀၁၅ မှာ အစိုးရဖွဲ့နိုင်ဖို့ များတယ်။

၂။ ၈၈ မျိုးဆက်များက အမျိုးသားနိုင်ငံရေးကို လုပ်မယ်။ လူမှုအခြေပြုနိုင်ငံရေးကို လုပ်မယ်။ ဒီချုပ်ကို ဝန်းရံထားမယ်။ ပြည်သူတွေကို ဦးဆောင်နိုင်အောင် လုပ်မယ်။

ဒီချုပ်က လွှတ်တော်နိုင်ငံရေးမှာ ကျရှုံးခဲ့ယင် ၈၈ မျိုးဆက်တို့ရဲ့ အမျိုးသားနိုင်ငံရေးက နေရာယူပါလိမ့်မယ်။ အစိုးရက အလိမ်အညာ ပလီပလာတွေနဲ့ မျက်လှည့်ပြသွားခဲ့ယင် လူထုအုံကြွမှုဆီ ပြန်သွားလို့ ရတယ်။

ဒီချုပ်က လွှတ်တော်နိုင်ငံရေးမှာ အောင်မြင်ခဲ့ယင် ဒီ ၈၈ မျိုးဆက်များဟာ ဒီချုပ်ရဲ့ ဒုတိယမျိုးဆက်ခေါင်းဆောင်များ ဖြစ်လာကြပါလိမ့်မယ်။ ဒါပေမယ့် သတိထားရမှာက ဒီချုပ်ဟာ ဘယ်တော့မှ ပြည်ခိုင်ဖြိုး မဖြစ်နိုင်သလို ၈၈ မျိုးဆက်ကျောင်းသားတွေလည်း ဘယ်တော့မှ စစ်အစိုးရဘက်တော်သား မဖြစ်သင့်ဘူးဆိုတာပဲ။ တော်လှန်ရေးသမိုင်းက စည်းခြားထားပြီးသားပါ။


အဆိုးမြင်ဝါဒီမဟုတ်

ဒီလိုအချိန်မျိုးမှာ စာရေးသူတို့က ဒီချုပ်ကိုဖြစ်ဖြစ်၊ အစိုးရကိုဖြစ်ဖြစ် ဝေဖန်ရေးလုပ်ယင် အချို့က တိုက်ခိုက်လာကြပါတယ်။ ပူးပေါင်းဆောင်ရွက်ရေးကို သူတို့က ထောက်ခံတယ်၊ ဒေါ်အောင်ဆန်းစုကြည်နဲ့ သမ္မတသိန်းစိန်တို့ကို ထောက်ခံတယ်၊ ဒီလို ပြောပြီး ပုဂ္ဂိုလ်ရေးတိုက်ခိုက်မှုကို စတင်ပါတော့တယ်။

စာရေးသူတို့ ပြောပြောနေတာက ပူးပေါင်းဆောင်ရွက်တယ်ဆိုယင်

၁။ ဘာတွေ ပူးပေါင်းဆောင်ရွက်နေပါသလဲ။

၂။ အောင်မြင်မှုဘယ်လောက်ရနေပါသလဲ။

၃။ ဘယ်အတိုင်းအတာအထိ ပူးပေါင်းဆောင်ရွက်ကြမလဲ။

မူမရှိသင့်ဘူးလား။ မူလေး မထားသင့်ဘူးလား။ ပူးပေါင်းဆောင်ရွက်ရေးမူဝါဒမှာ ဒီချုပ်က တိုက်ရိုက်မကျေညာပေမယ့် လွှတ်တော်ဝင်ရာမှာ အကြောင်းပြချက် ပေးခဲ့တယ်။

၁။ ဥပဒေပြင်ရေး

၂။ တရားဥပဒေစိုးမိုးရေး

၃။ ပြည်တွင်းငြိမ်းချမ်းရေး

တို့ ဖြစ်ပါတယ်။ ဒါကို ဘယ်သူမှ မမေ့သေးဘူးထင်ပါတယ်။ ဒါလေးတွေကိုပဲ ပူးပေါင်းဆောင်ရွက်မှု မူဝါဒလို့ ဆိုချင်ပါတယ်။

၁။ ဥပဒေပြင်ရေးမှာ ၂၀၀၈ ဥပဒေကို ဘယ်လောက်ပြင်ခဲ့ပြီလဲ။ ဒီမိုကရေစီနဲ့ မလျှော်ညီတယ့် စစ်တပ် ၂၅ ရာခိုင်နှုန်းကို ဖယ်လို့ မရကြောင်း မကြာခင်က သမ္မတသိန်းစိန်က အရိပ်အမြွက် မိန့်ကြားခဲ့ပါတယ်။ ဒေါ်အောင်ဆန်းစုကြည်ကလည်း အဲဒီအမတ်တွေနဲ့ အလုပ်လုပ်ဖို့ ပြဿနာမရှိနိုင်ကြောင်း၊ အတိုက်အခံလုပ်ချင်လို့ လွှတ်တော်ကို ဝင်တာမဟုတ်ကြောင်း ပြောခဲ့ပြီဖြစ်ပါတယ်။

၂။ တရားဥပဒေ စိုးမိုးရေးကတော့ သမင်မွေးရင်း ကျားစားရင်းနဲ့၊ ပိုနေမြဲကျားနေမြဲပါပဲ။ သိတယ့်အတိုင်း ဇက်ကြိုးမဲ့တပ်က လယ်မြေတွေကို သိမ်းတယ်၊ အစိုးရအရာရှိတွေ လာဘ်စားနေကြတုန်းပဲ ရှိတယ်။ ကချင်ထိုးစစ်ကို ဆင်နွှဲပြီး စစ်ရာဇဝတ်မှုများကို ကျူးလွန်တယ်။ ဥပဒေစိုးမိုးမှု မရှိသေးဘူးဆိုတာ အထူးပြောစရာမလိုပါ။ မာရှယ်လောအုပ်ချုပ်မှုထက် နည်းနည်းပဲ သာပါတယ်။ ဒီအချက်ကို ဒီချုပ်အပေါ် ပုံမချချင်ပါ။ အာဏာရအစိုးရကိုပဲ ပြောချင်ပါတယ်။ သိန်းစိန်အစိုးရဟာ တိုင်းပြည်ကို နိုင်နင်းအောင် ဘယ်လောက်အုပ်ချုပ်နိုင်သလဲ ဒီအချက်နဲ့ မှတ်ကျောက်တင်ရမှာဖြစ်တယ်။

၃။ ပြည်တွင်းငြိမ်းချမ်းရေးမှာလည်း ဒေါ်အောင်ဆန်းစုကြည်နဲ့ ပူးပေါင်းဆောင်ရွက်မှု ဘယ်လောက်ရှိလဲ။ လွှတ်တော်နိုင်ငံရေးမလုပ်ခင်တုန်းက ဒေါ်အောင်ဆန်းစုကြည်ကို တိုင်းရင်းသားတိုင်းက မျှော်လင့်စောင့်စားခဲ့ပါတယ်။ ငြိမ်းချမ်းရေးလုပ်ငန်းစဉ်တွေမှာ ဒေါ်အောင်ဆန်းစုကြည်ပါမှပဲ စိတ်ချယုံကြည်နိုင်မယ်လို့တောင် အချို့ပြောကြပါတယ်။ အခု အခြေအနေ အနည်းငယ် ပြောင်းခဲ့ပြီ။ တိုင်းရင်းသားတွေက သမ္မတသိန်းစိန်နဲ့ ဒေါ်အောင်ဆန်းစုကြည်တို့ကို အဆင့်ချင်းတူတယ်လို့ ခံစားလာရတယ်။ ကချင်အပေါ်မှာ အစိုးရဆက်ဆံပုံကို ကြည့်ပြီး တိုင်းရင်းသားလူမျိုးများအပေါ်သူတို့ ဘယ်လိုသဘောထားကြောင်း လေ့လာသုံးသပ်နေကြရပါပြီ။

ဒီအချက်တွေကို ပြောလို့ အဆိုးမြင်ဝါဒီလို့ မထင်စေချင်ပါ။ ချီးမွမ်းကန်ကျောက် လုပ်နေတာလည်း မဟုတ်ပါ။ တိုးတက်မှုတစ်စုံတရာ မရှိဘဲ လက်ခံဖို့ ခက်နေလို့ပါ။ ဒါကြောင့် ထပ်ပြောလိုပါတယ်။


ပူးပေါင်းကြသည်ဟု ဆိုရာဝယ်

၁။ အခြေဥပဒေပြင်ဆင်ရေးကော်မတီတစ်ရပ် ဖွဲ့စည်းပါ။ ဒီချုပ်အပါအဝင် အတိုက်အခံများ စုံစုံညီညီ ပါဝင်ကြပါစေ။ သမ္မတသိန်းစိန်နဲ့ ဒေါ်အောင်ဆန်းစုကြည်တို့ ဦးဆောင်ပါ။ ဒါမှ ပူးပေါင်းဆောင်ရွက်ရာ ရောက်ပါ့မယ်။

၂။ တရားဥပဒေစိုးမိုးရေးအတွက် ဖွဲ့စည်းပုံကို ကာကွယ်စောင့်ရှောက်ရန်အလို့ငှာ လာဘ်စားမှုကအစ စုံစမ်းဖော်ထုတ်ဖို့ စုံစမ်းရေးကော်မတီတစ်ရပ် ဖွဲ့စည်းပါ။ ၈၈ မျိုးဆက်များ၊ ဒီချုပ်ခေါင်းဆောင်များ ပါဝင်စေပြီး ဦးဆောင်ကြပါစေ။ ဒါမှ ပူးပေါင်းဆောင်ရွက်ရာ ရောက်မယ်။

၃။ ပြည်တွင်းငြိမ်းချမ်းရေး ဖော်ဆောင်မှုမှာ ဒေါ်အောင်ဆန်းစုကြည် မပါမနေရ၊ ပါကို ပါသင့်တယ်။ ဒါကြောင့် ဦးအောင်မင်းပဲ လုပ်မနေပါနဲ့။ ပင်လုံကဲ့သို့ ညီလာခံတစ်ခု လုပ်မယ်ဆိုယင် ဒေါ်အောင်ဆန်းစုကြည်နဲ့ သမ္မတသိန်းစိန်တို့ကိုယ်တိုင် ဦးဆောင်ပါ။ ဒါမှ ပူးပေါင်းဆောင်ရွက်ရာ ရောက်မယ်။

လက်ဖက်ရည် အတူသောက်တာတို့၊ အလှူငွေ ပေးအပ်တာတို့၊ သူပေးမှ ကိုယ်ရတာတို့၊ သူ ဖွင့်မှ ကိုယ်ဝင်ရတာတို့၊ အတူတူပြုံးပြတာတို့၊ အတူတူ ထိုင်တာတို့၊ အတူတူ ထိုင်ထလုပ်တာတို့ကို ပူးပေါင်းဆောင်ရွက်မှုလို့ စာရေးသူတို့က မမြင်ဘူး။
http://www.facebook.com/notes/ven-ravika/%E1%80%95%E1%80%B0%E1%80%B8%E1%80%B1%E1%80%95%E1%80%AB%E1%80%84%E1%80%B9%E1%80%B8%E1%81%BE%E1%80%80%E1%80%9E%E1%80%8A%E1%80%B9%E1%80%9F%E1%80%AF-%E1%80%86%E1%80%AD%E1%80%AF%E1%80%9B%E1%80%AC%E1%80%9D%E1%80%9A%E1%80%B9/211824105612499

0 comments:

Post a Comment