Friday, January 24, 2014

ပတိရူပဒေသ၀ါသ သင့်လျော်လျောက်ပတ်သော အရပ်ဒေသ




 
























ပတိရူပဒေသ၀ါသ
သင့်လျော်ကောင်းမြတ်သောအရပ်ဒေသ
          မြတ်စွာဘုရားရှင်ဟောဖေါ်ညွှပြခဲ့သော မင်္ဂလာတရားတော်များသည် အင်မတန်တန်ဖိုးရှိသည့် စနစ်ကျ သည့်တရား တော်များဖြစ်ပါတယ်။လူပညာရှိတွေ၊နတ်ပညာရှိတွေဝိုင်းဝန်းငြင်းကြခုံကြ အဖြေရှာကြတာ၁၂တိုင်တိုင်ကြာညောင်းခဲ့ပါတယ်။ဒါပေမဲ့စစ်မှန်တဲ့အဖြေကိုမရခဲ့ပါဘူး။နောက်ဆုံးမြတ်စွာဘုရားထံမှောက်ကိုရောက်ပြီး မေးမြန်းလျှောက်ထားတော့မှ မြတ်စွာ ဘုရားကမင်္ဂလာတရား၃၈ပါးကိုသေချာစွာဟောဖေါ်ညွှန်ပြပေးခဲ့လို့အဖြေရခဲ့ကြပါတယ်။ဒါကိုကြည့်ခြင်းအားဖြင့် မင်္ဂလာတ ရားတော်တွေဟာ အလွယ်ပေါ်ပေါက်လာတာမဟုတ်ဘူးဆိုတာကိုသိနိုင်ပါတယ်။
          မင်္ဂလာတ၇ားတောတွေကို သေချာစွာလိုက်နာကျင့်သုံးမည်ဆိုလျှင် လိုက်နာကျင့်သုံးသူတွေအတွက် မင်္ဂလာတရား တော်ကအာမခံချက်ပေးထားတာက ၀ုဒ္ဓိကာရဏံ၊ ဣဒ္ဓိကာရဏံ၊ သဗ္ဗသမ္ပတ္တိ ကာရဏံ ဧတေသန္တိ မင်္ဂလံ ဆိုသည့်အတိုင်း မိမိ တို့ဘ၀ ကြီးပွါးတိုးတက်မည်၊အောင်မြင်ကျော်ကြားမည်၊အလုံးစုံသောမည်သည့်ကိစ္စကိုမဆိုအာင်မြင်စွာဆောင်ရွက်နိုင်မည် လို့ဆိုထားပါတယ်။ဒါကြောင့်တစ်ပါးဆီကို သေချာကျနစွာလေ့လာပြီး လိုက်နာကျင့်သုံးပါသင့်ပါတယ်။

          တချို့သောသူတွေမေးလာတာ ရှိပါတယ်၊ ယနေ့မြန်မာနိုင်ငံမှာ ဆရာတော်တွေရဲ့ တရားပွဲပေါင်းမြောက်များစွာ၊တရားစခန်းပွဲပေါင်းမြောက်များစွာ၊တရားစာအုပ်ပေါင်းမြောက်များစွာရှိပါတယ်။ အဲဒီတရားပွဲတွေ၊တရားစခန်းတွေ၊ တရားစာအုပ် တွေမှာလဲ မေတ္တာ၊ကရုဏာ၊မုဒိတာ၊ဥပေက္ခာ ဆိုတဲ့ဗြဟ္မစိုရ်တရားတွေ၊သစ္စာရှိဖို့၊ရိုးသားဖြောင့်မတ်ဖို့စသည့် ကောင်းတဲ့တရား တွေကို မြောက်များစွာ ဟောကြ၊ရေးကြ၊ ပို့ချကြပါလျက် မြန်မာလူမျိုးအများစုကြီးကိုကြည့်လိုက်သည့်အခါမှာ အခုပြောခဲ့တဲ့ ကောင်းမြတ်တဲ့အချက်တွေဟာတော်တော် အားနည်းနေတာကိုတွေရပါတယ်။ အဲဒါဘာကြောင့်ပါလဲ လို့မေးလာပါတယ်။ ဒီမေးခွန်း ကခဏခဏအမေးခံရပါတယ်။ အားလုံးဝိုင်း စဉ်းစားပြီးဖြေဆိုရမည့်မေးခွန်းဖြစ်ပါတယ်။သေသေချာချာသုတေသနလုပ်ပြီး ဖြေဆို နိုင်ရင်တော့ပိုကောင်းပါတယ်။သူတို့မေးကြသလို တကယ်ပဲ အများစုကြီးက အကောင်းတရားကင်းမဲ့ပြီး အနည်းစုကပဲ ကောင်း နေကြတာလား။ဒါမှမဟုတ် အနည်းစုလောက်ပဲ မကောင်းပြီးတော့ အများစုကြီးက အကောင်းတရားတွေကျင့်သုံးနေကြသလား ဆိုတာကို သေချာစွာ သုတေသန လုပ်နိုင်ရင်တော့ပိုကောင်းပါတယ်။ အဲဒါဆိုရင်တော့ မိမိတို့သာသနာပြုတွေက တကယ်ပဲ  ကောင်းတဲ့လူက အနည်းစုဖြစ်ပြီးတော့ အများစုကြီးက မေတ္တာတရားတွေခေါင်းပါးပြီး ကိုယ်ချင်းစာတရားကင်းမဲ့ကာ ဘယ်သူ သေသေငတေမာရင်ပြီးရောဆိုပြီး ကိုယ့်တဖို့တည်း ကြည့်တဲ့သူတွေများနေမယ်၊ အချင်းချင်းသစ္စာရှိမှုတွေကင်းပျောက် ရိုးသား မှုတွေအလျဉ်းမ၇ှိကြတော့ပဲ ကျော်မယ် ခွမယ် ပါးပါးလှီးမယ်ဆိုတဲ့ ကလိမ်ကကျစ် သမားတွေများလာမယ်ဆိုရင်တော့ မိမိတို့သာ သနာပြု လမ်းစဉ်ကိုလည်း ပြန်လည်ကာ သေချာစစ်ဆေးရပါမယ်။ဒီထက်ပိုမိုထိရောက်တဲ့ အောင်မြင်မှုလမ်းစဉ်က ဘယ်လမ်းစဉ်  ဆိုရင် အဆင်ပြေမလဲ။မအောင်မြင်ဘူးဆိုရင်လဲ ဘာကြောင့်မအောင်မြင်ရတာလဲဆိုတာကို သေချာစွာဝိုင်းဝန်းအဖြေရှာကြမယ် ဆိုရင်အင်မတန်ကောင်းမြတ်ပါတယ်။
           လူအများစုကြီးရဲ့ရင်ထဲမှာအခုပြောခဲ့တဲ့ဗုဒ္ဓဟောဖေါ်ညွှန်ပြထားတဲ့တရားဓမ္မတွေဟာ လူတွေရဲ့နှလုံးသားထဲမှာဘာ ကြောင့်မရောက်သလဲ။ ဘာကြောင့် မကျင့်ကြသလဲဆိုတဲ့အမြင်လေးကို သိသလောက် လေ့လာလို့ရသလောက်ကို ဆွေးနွေးပြချင်ပါတယ်။မြတ်စွာ ဘုရားရှင်ဟောဖေါ်ညွှန်ပြထားတဲ့ မင်္ဂလာတရားတော်တွေထဲက ပတိရူပဒေသ၀ါသမင်္ဂလာ တရားတော်ကို မိမိနားလည် သလောက်ဆွေးနွေးပြချင်ပါတယ်။ပတိရူပဒေသ၀ါသဒေသ၀ါသ ရဲ့အဓိပ္ပါယ်ကသင့်လျော် လျောက်ပတ် ကောင်းမြတ်သောအရပ်ဒေသမှာ ကျင့်သုံးနေထိုင်ခြင်းလို့အဓိပ္ပါယ်ရပါတယ်။မိမိတို့နေထိုင်ရသော အရပ်ဒေသ သည် တကယ်ပတိရူပဒေသ၀ါသ အရပ်ဒေသဟုတ်ရဲ့လားဆိုတာကို သေချာစွာစီစစ်ကြည့်ဖို့လိုပါတယ်။
          ယနေ့မြန်မာနိုင်ငံရဲ့အခြေအနေကို ဥပမာတခုနဲ့တင်စားပြီးနှိုင်းယှဉ်ဆွေးနွေးကြည့်ရအောင်ပါ။ နံရံလေးဘက်ရှိတဲ့ အခန်းကြီးရဲ့နံရံတွေကို အဖြူရောင်ဆေးတွေသုတ်လိမ်းထားပါတယ်။ အဲဒီနံရံတွေမှာ မေတ္တာ၊ ကရုဏာ၊မုဒိတာ၊ သစ္စာ၊ သီလ၊ သမာဓိ၊ပညာ၊ မဂ္ဂင် ၈ပါး၊ ဗောဓိပက္ခိယတရား ၃၇ ပါး စသည့်ကောင်းမြတ်တဲ့တန်ဖိုးရှိတဲ့ ဗုဒ္ဓရဲ့တရားတွေရေးလိုက်ပါ၊ အားလုံးကိုထင်ထင်ရှားတွေ့ရမှာဖြစ်ပါတယ်။ အဲဒီလိုရေးပြီးတဲ့အချိန်မှာ အခန်းရဲ့အလယ်မှာ မီးခိုးမှိုင်းတွေအင်မတန်ထွက်တဲ့ ဖားမီးခွက်ကြီး ၁၀ လုံးလောက်ထွန်းလိုက်ပါ။အဲဒီဖားမီးခွက်ကြီးကို မီးထွန်းထားတာ ကြာလာတာနှင့်အမျှ ခုနကမြင်တွေ့နေရတဲ့  မေတ္တာ၊ ကရုဏာ၊မုဒိတာ၊ သစ္စာ၊ သီလ၊သမာဓိ၊ပညာ၊ မဂ္ဂင်၈ပါး၊ ဗောဓိပက္ခိယတရား ၃၇ ပါး စသည့်ကောင်းမြတ် တဲ့တန်ဖိုးရှိတဲ့ ဗုဒ္ဓရဲ့တရားတော်တွေဟာ မီးခိုးမှိုင်းတွေအဖုံးခံရပြီးတော့ တဖြည်းဖြည်းမှေးမှိန်ပျောက်ကွယ်သွားမှာဖြစ်ပါတယ်။ မီးခိုးမှိုင်းတွေစွဲနေပြီးတော့မှ အဲဒီနံရံတွေပေါ်မှာ ခုနကဖေါ်ပြခဲ့တဲ့ ကောင်းမြတ်တဲ့တရားတွေကို ထပ်ပြီးရေးမယ်ဆိုရင်လည်း ကောင်းစွာမြင်ရမှာမဟုတ်တော့ပါဘူး။
          ယနေ့မြန်မာနိုင်ငံရဲ့ အခြေအနေကိုပြန်ကြည့်တော့ မြန်မာနိုင်ငံကြီးဟာ မီးခိုးမှိုင်းတွေအင်မတန်ထွက်တဲ့ ဖားမီးခွက်ကြီး တွေအလုံးပေါင်းမြောက်များစွာ တနိုင်ငံလုံးအထွန်းခံထားခဲ့ ရပါတယ်။ဦးနေ၀င်းကြီးအာဏာသိန်းချိန်ကစလို့ ရေတွက်မယ်ဆိုရင် ယနေ့ထိ နှစ်ပေါင်း ၅၁ နှစ်ကြာခဲ့ပါပြီ။မြန်မာပြည်သူတွေရဲ့ပကတိဖြူစင်တဲ့ နှလုံးသားတွေမှာ အချိန်ပေါင်းမြောက်များစွာ မှိုင်း တွေအစွဲခံခဲ့ကြရပါတယ်။ဒီးမှိုင်းတွေထွက်နေတဲ့ မီးခွက်ကြီးတွေမဖယ်ရှားနိုင်သရွေ့ နံရံတွေဟာမှိုင်း တွေထပ်စွဲကာထပ်ထပ်ဖုံး နေအုံး မှာဖြစ်ပါတယ်။ဒီမီးခွက်ကြီးတွေကို ငြိမ်းဖို့ သာသနာအာဇာနည် ဆရာတော်တွေ အသက်နှင့်လဲကာ ရင်ပြီးဟောကြပြော ကြရေးသားကြတယ်။ တွန်းလှန်တိုက်ပွဲတွေဝင်ကြတယ်။ သာသနာအာဇာနည်တွေပျံလွန်တော်မူကြရတယ်။ တချို့အနှိပ်စက်ခံရလို့ရူးသွပ်ကာဘ၀တွေပျက်သွားကြရတယ်။ပညာရှင်နိုင်ငံအာဇာနည်တွေ၊ကျောင်းသားခေါင်းဆောင်တွေ၊ပြည်သူအာဇာနည်တွေစုပေါင်းကာဒီမီးခွက်ကြီးတွေကိုငြိမ်းဖို့ကြိုးစားကြတယ်။ကြိုးစားတိုက်ပွဲရင်းသေပွဲဝင်ခဲ့ကြရတယ်။မီးခွက်ကြီးတွေတော်တော်များများကိုလည်း ဖယ်ရှားပေးနိုင်ခဲ့ကြပါတယ်။
          ဆရာတော်တွေက မေတ္တာတရားတွေ သစ္စာတရားတွေ ကောင်းမြတ်တဲ့တရားတွေကိုကျင့်ဆောင်ကြဖို့ ဓမ္မာရုံကြီးထဲမှာ ဟောပြလိုက်တယ်။ဓမ္မာရုံကြီးအပြင်ရောက်လို့ ဖိနပ်ကြည့်လိုက်တော့ မိမိဖိနပ်ကမရှိတော့ဘူး။မှိုင်းကအဖုံးခံရပြီ။ဆက်ကျင့် သေးတယ်၊ဖိနပ်ပျောက်လည်းကိစ္စမရှိဘူး၊ လှူတာပေါ့ ခန္တီ သည်းခံရမယ်။ရှေ့ဆက်သွားတယ်။ကားစီးပြီ၊စပါယ်ယာက ဟောက်တယ်။ကားချောင်ချောင်စီးချင်ရင်ကိုယ်ပိုင်ကားစီးရှေ့ကိုတိုးပြောနေတာမရဘူးလား။မှိုင်းကအဖုံးခံရပြီ၊အိမ်ပြန်ရောက် တော့တရားပွဲကပါလာတဲ့တရားခွေလေးထိုးကြည့်တယ်။မီးကပျက်သွားတယ်။ပူအိုက်လို့ရေချိုးအုံးမှဆိုပြီးရေဖွင့်တော့ရေကမလာ၊တော်ကြာဧည့်စာ၇င်းစစ်မယ်ဆိုပြီးေ၇ာက်လာဟောက်လားငေါက်လားဆဲလားဆိုလားတွေလုပ်။အိမ်၇ှင်လည်းခွင့်မတောင်း ၀င်ချင်သလိုဝင်ထွက်ချင်သလိုထွက်ဘာမှပြောဆိုပိုင်ခွင့်မရှိ ။လယ်မြေယာမြေ ခြံမြေ သူတို့သာလိုချင်ချက်ခြင်းထွက်ပေးရတယ်။  ဟိုကြေးဒီကြေး အခွန်အခ ကောက်ခံမှုတွေကများ၊ မိမိဘ၀၊မိသားစုဘ၀ ဘာမှလုံခြုံမှုမရှိ၊ သားသမီးတွေရဲ့ အနာဂါတ်ကြည့် တော့ ဘွဲ့ရပညာတတ်တွေကအစ ဆိုက်ကားနင်းနေကြရ၊ သူများနိုင်ငံတွေမှာ ရောင်းစားခံနေကြရဆိုတော့ အကုန်လုံးပြန် ကြည့်တော့ မှိုင်းတွေက တနိုင်ငံလုံးထွက်ချင်တိုင်းထွက်နေလေတော့ ဖြူစင်တဲ့နှလုံးသားတွေဟာ မှိုင်းတွေအဖုံးခံနေကြရပါ တယ်။အာဏာမှိုင်းတွေမြောက်များစွာ အဖုံးခံရတဲ့နိုင်ငံဟာ ပတိရူပဒေသ၀ါသ သင့်လျော်လျောက်ပတ် ကောင်းမြတ်သော အရပ် ဒေသမဟုတ်ပါဘူး။အထူးကံကောင်းသည်မှာ သာသနာအာဇာနည်ဆရာတော်တွေက မှိုင်းတွေဖုံးနေတဲ့ကြားထဲက အသက်ကို ပဓာနမထားပဲ မှိုင်းမီးခွက်ကိုလည်းပယ်ရှားကာ တရားဓမ္မတွေကိုဟောပြလျက် မိမိနေထိုင်ရာ အမိနိုင်ငံတော်ကြီးကို ပတိရူပဒေ သ၀ါသ သင့်လျော်လျောက်ပတ်ကောင်းမြတ်သောအရပ်ဒေသကြီးဖြစ်အောင် ကြိုးစားဆောင်ရွက်နေကြခြင်းဖြစ်ပါကြောင်းကို အသိပေးပြောကြားလိုက်ပါတယ်။
မင်းသုည(ဗုဒ္ဓတက္ကသိုလ်)

0 comments:

Post a Comment