သမိုင်းတစ်ခေတ်မှာပေါ်ထွက်ခဲသော ခေါင်းဆောင်-1

1945 ခုနစ် ဖက်ဆစ် တော်လှန်းရေးပြီး၍ ဘုရင်ခံ*ဆာဒေါ်မန်စမစ်*၏ ဗြိတိလျှ အစိုးရ မြန်မာနိုင်ငံသို့ ပြန်ရောက်လာပြီးနောက် စစ်ပြီးခေတ်ပြန်လည် ဖွဲ့ စည်းမည့်  *ဘားမားအာမီ*ခေါ်မြန်မာနိုင်ငံစစ်တပ် ကို ဗိုလ်ချုပ်အောင်ဆန်း ကိုယ်တိုင် ဗိုလ်မှူးချုပ် (brigadier-General) ရာထူးဖြင့် တာဝန်ယူ ဦးစီးကွပ်ကဲပါရန် အရှေ့ တောင်အာရှရှိ မဟာမိတ် တပ်ပေါင်းစု သေနာပတိချုပ်ရေတပ် ဗိုလ်မှူးကြီး လော့ ဒ်မောင့် ဘက်တန်က စာဖြင့်ေ၇းသားကမ်းလှမ်းခဲ ပါသည်။

သို့ ရာတွင် ဗိုလ်ချုပ်က ယင်းသို့ ကမ်းလှမ်းခြင်းကို အထူးကျေးဇူးတင်ပါသော်လည်း သူ့ အနေဖြင့် လက် မခံနိုင်ပါကြောင်း ရည်မွန်ယဉ်ကျေးစွာစာပြန်ရေး ငြင်းပယ်ခဲ့ ပါသည်။
သူ့ ကိုယ်စား ၇ဲဘော်သုံးကျိပ်ဝင် ဗိုလ်မှူးကြီးက ဗြိတိလျှဗိုလ်ချုပ် နှင့် ပူးတွဲ၍တပ်မတော်ကို ကွပ်ကဲ အုပ်ချုပ် ရန် ဗိုလ်ချုပ်ကပင် စီစဉ် လိုက်သည်။ သူကိုယ်တိုင်ကတော့  ဖ-ဆ-ပ-လ အဖွဲ့ ချုပ်အမျိုးသားတပ်ဦးကြီး၏ ဥက္ကဠ အဖြစ် လွတ်လပ်ရေးကို မဖြစ်မနေ ကြိုးပမ်း ရယူမည်ဟု အခိုင်အမာ ဆုံးဖြတ်ထားပြီးဖြစ်၍ အချိန်ပြည့်နိုင်ငံေ၇းလုပ်နေသည်။အထူးသဖြင့်  တိုင်းရင်းသား စည်းလုံးညီညွတ်မှုအင်အားအပြည့်အ၀ ရရှိေ၇းအတွက် ကိုယ်တိုင်ဦးဆောင်၍ ကြိုးစားနေလေသည်။
တစ်နေ့ တွင် နတ်မောက်လမ်း ရှိ ဗိုလ်ချုပ်၏နေအိမ် သို့ ရှမ်းအမျိုးသား အဘိုးကြီး တစ်ဦးသည် အဖော်လူငယ်တစ်ယောက်နှင့် အတူ ရောက်လာပါသည်။ကျွန်တော်က အိမ်ရှေ့ ထွက်၍ဘာကိစ္စပါလဲဟုမေးသောအခါ ဗိုလ်ချုပ်အောင်ဆန်း နှင့် တွေ့ ချင်လို့ ပါဟု ပြန်ဖြေပါသည်။
ထိုအချိန်(စစ်ပြီးခါစ)က ဗိုလ်ချုပ်မှာ အလွန် အလုပ် များနေသလောက် တစ်နေ့ တစ်နေ့  သူ့ အိမ်သိူ့ လာပြီးဗိုလ်ချုပ်နှင့် တွေ့ ဆုံခွင့် တောင်းသူတွေ အထူးများလှပါသည်။အနယ်နယ် အရပ်ရပ် မှ နိုင်ငံေ၇းသမားများ၊တပ်မတော် ရဲဘော် ဟောင်းများ၊ နိုင်ငံခြားသတင်းထောက်များ၊F.S.S ခေါ်ဗြိတိလျှ စစ်ထောက်လှမ်းရေး အရာရှိများ စသည် ဖြင့် လူပေါင်းစုံနေ့ စဉ်လိုလို လာနေသဖြင့် ကျွန်တော်၏ တာဝန် မှာ တစ်ဦးချင်း အသေးစိတ်မေးမြန်းစိစစ်ပြီးအမှန်တကယ် ဗိုလ်ချုပ်နှင့် တွေ့ ပေးသင့် သည်ဟု ယူဆမှသာ တွေ့ ဆုံရန် စီစဉ်ပေးရခြင်း ဖြစ်ပါသည်။
ထို့ ကြောင့် ရောက်လာသူ ရှမ်းအဘိုးကြီး အား **ဘာကိစ္စရှိလို့ ပါလဲ* ဟုမေးလိုက်ရာ သူက
*ဗိုလ်ချုပ်အောင်ဆန်း သုံးစွဲဖို့  အတွက် လှူချင်လို့ ပါ**ဟုပြန်ဖြေပါသည်။


ဤတွင် ကျွန်တော်သည် ရှမ်းအဘိုးကြီးနှင့် ဗိုလ်ချုပ်တွေ့ ဆုံခွင့် မပေးသင့် ဟုတွေးမိပါသည်။ အဘိုးကြီးက ဗိုလ်ချုပ်သုံးစွဲ ဖို့ လှူချင်ပါသည်ဆိုလျှင်ဗိုလ်ချုပ်က လက်ခံမည် မဟုတ်ဟု ကျွန်တော် တစ်ထစ်ချ သိနေသောကြောင့် ပင်တည်း။
ဒီမယ် ဦးကြီး ၊ဗိုလ်ချုပ်သုံးဖို့ လှူချင်တယ်ဆိုလို့ ဦးကြီးရဲ့ စေတနာ သဒ္ဓါ တရားကိုလေးစားပါတယ်၊ ဒါပေမယ့် ဗိုလ်ချုပ်က ဒီလို သုံးစွဲ ဖို့ လှူတာမျိုးလက်မခံပါဘူး၊တစ်နည်းတော့ ရှိပါတယ် ဦးကြီးလှူချင်သပ ဆိုရင် ဗဟန်း ကိုယ့် မင်းကိုယ့် ချင်း လမ်း အမှတ် (8) က ဖ-ဆ-ပ-လ အဖွဲ့ ချုပ်ရုံးမှာ သွားလှူလို့ ရပါတယ်၊ ဒါကြောင့် ဦးကြီးတို့  အဖွဲ့ချုပ်ရုံးကိုပဲ ကြွကြပါ**

ကျွန်တော် ဤသို့ ပြောသော်လည်း ရှမ်းအဘိုးကြီးသည် လက်မခံဘဲ သူ၏လွယ်အိပ်ထဲမှ အထုပ်တစ်ထုပ်ယူ၍အသာ ဖြေပြပါသည်။
ထိုအထုပ်ထဲတွင် ၀င်းလက် တောက်ပြောင်လျက် အရည်အသွေး ကောင်းလှသော ရွှေချောင်းများ ကို တွေ့ လိုက်ရသဖြင့်  ကျွန်တော်ပင် အံသြသွားမိပါသည်။
**ဒီလိုပါ ဗိုလ်ကြီး၊ ကျုပ်က ဗိုလ်ကြီးပြောတဲ့ အတိုင်း အဖွဲ့ ချုပ်ကို ရောက်ပြီးရန်ပုံငွေ လှူခဲ့ ပြီးပါပြီ၊ဒါက ဗိုလ်ချုပ်တို့  မိသာစုမှာ ချွေတာ ခြစ်ခြုတ် စားသောက်နေရတယ်လို့  ကြားသိရပါတယ်၊ အခုဆိုရင်ဗိုလ်ချုပ်ဟာ တပ်က ထွက်လိုက်ပြီမို့  လစာ ၀င်ငွေရယ်ဆိုလို့  မရှိဘူးမဟုတ်လား၊ ဒါကြေင့်  သူလွတ်လပ်ရေး ရအောင် ဦးဆောင်ကြိုးစား ရာမှာ နောက်ဆံ မတင်း ဘဲ လုပ်နိုင်အောင်လို့  သူ့ မိသားစု သုံးစွဲဖို့ ဒီရွှေ တွေကို ကျုပ်လှူချင်ပါတယ်၊အဲဒါတော့ ဗိုလ်ကြီး က ဗိုလ်ချုပ်ကို မေတ္တာရပ်ခံပေးစေချင်ပါတယ်**
ရှမ်းအဘိုးကြီးက အသည်းနှလုံးမှ ထွက်လာသလို လှိုက်လှဲစွာ ပြောလိုက်သောအခါ ကျွန်တော်သည် သူ၏စေတနာကို အထူးပင် လေးစားချီးကျူးမိသည်နှင့် အမျှ အလွန်အားနာ သွားမိပါသည်။ ထို့ ကြောင့် ကျွန်တော်သည် ခေတ္တ စဉ်းစားရင်း အကြံတစ်ခု ရသဖြင့် ရှမ်း အဖိုးကြီးနှင့် အဖော်တို့ အား ဧည့် ခန်းတွင် ခေတ္တထိုင်စောင့် ခိုင်းပြီးနောက် ဗိုလ်ချုပ်ရှိနေသော အိမ်ပေါ်ထပ် သို့ တက်သွား၍ သတင်းပို့ လိုက်ပါသည်။
**ဗိုလ်ချုပ် ရှမ်းအဘိုးကြီး တစ်ယောက် လာနေတယ်၊ ဗိုလ်ချုပ်သုံးစွဲ ဖို့ ရွှေချောင်းတွေ လှူချင် လို့ တဲ့ ***
ကျွန်တော်၏စကားမဆုံးမီ ထင်သည့် အတိုင်း ဗိုလ်ချုပ်က ကြားဖြတ်၍ မျက်နှာထား တင်းတင်း နှင့် အပြစ်တင်ပါတော့ သည်။
ဟေ့ ကောင် ငါဒါမျိုး လက်မခံဘူးဆိုတာ မင်းသိသားနဲ့ ၊ လှူချင်ရင် ဖဆပလ အဖွဲ့ ချုပ်မှာ သွားလှူလို့ သာ ပြောလိုက်**
သာမာန်အားဖြင့် ကျွန်တော်သည် ဗိုလ်ချုပ်အား ပြန်ပြော လေ့ မရှိ။ ပြောသည့် အတိုင်းလုပ်တတ်သော်လည်း သည်တစ်ခါ တော့ ပြဿနာ ပြေလည်အောင် ကြိုးစားကြည့်ရန် ဆုံးဖြတ်လိုက်ပါသည်။
**ဗိုလ်ချုပ်ပြောသလို ကျွန်တော်လည်း ပြောပါတယ်၊ ဒါပေမယ့် အဘိုးကြီးက ဖဆပလ အဖွဲ့ ချုပ်မှာ ရန်ပုံငွေ အတွက် လှူခဲ့ ပြီးပါပြီတဲ့ ၊ အခုဟာက ဗိုလ်ချုပ်ကို နာမည် ကြားရုံနဲ့ ကြည်ညို လေးစားလို့ ကိုယ်တိုင်တွေ့ ဖူးလိုတာက တစ်ကြောင်း ၊ဗိုလ်ချုပ်တို့  မိသားစု ဆင်းရဲကျပ်တည်း နေချိန်မှာ မိသားစု ကောင်းကောင်းမွန်မွန် စားသောက်နေထိုင် ပြီးဗိုလ်ချုပ် လည်း စိတ်အေးလက်အေး လွပ်လပ်ရေးရဖို့ လုပ်နိုင်အောင်လို့ လှူတာပါလို့ ပြောတယ်၊ပြီးတော့ ဒီလိုလှူတဲ့ အတွက်သူ့ အနေ့ နဲ့  ဘာအခွင့် အရေး ဘယ်လို အကျိုးကျေးဇူးမှ မမျှော်လင့် ဘဲစေတနာ သန့် သန့် နဲ့ လှူတာပါလို့ ပြောရှာပါတယ်*****

ဆက်လက်ဖော်ပြပါမည်.