အကျဉ်းကျသံဃာတွေကို မမေ့ကြပါနဲ့ အရှင်ပညာနန္ဒ

 

“---ဗုဒ္ဓဘာသာဝင် ထောင်ဝန်ထမ်းတွေ ကိုယ်တိုင်က ဆရာတော်ကြီးတွေကို ရိုက်တာပါ---”

ခုတလော ရွှေဝါရောင် သံဃာ့လှုပ်ရှားမှု ခေါင်းဆောင် ဆရာတော် ဦးဂမ္ဘီရဟာ ကလေးမြို့ အကျဉ်းထောင်မှာ အစာငတ်ခံ ဆန္ဒပြနေတဲ့ သတင်းတွေ၊ နိုင်ငံရေး အကျဉ်းသားတွေ ဆန္ဒပြနေတဲ့ အကြောင်း  သတင်းတွေ နေ့စဉ် နားထောင်နေရလို သနားစိတ်တွေ ဖြစ်ပြီး စိတ်မချမ်းမသာ ဖြစ်နေခဲ့ရပါတယ်။

 လွန်ခဲ့တဲ့ (၈)နှစ်လောက်က ထင်ပါရဲ့ RFAက အပတ်စဉ် ထုတ်လွင့်ခဲ့တဲ့ အကျဉ်းသားတွေ အကြောင်း ပြန်ပြောတဲ့ အထဲက ဖြစ်ရပ်တခုကို သွားပြီး သတိရမိတယ်။ ထောင်က လွတ်လာတဲ့ အကျဉ်းသားတယောက်ဟာ သူ့အရင် ထောင်ကလွတ်သွားတဲ့ ဆရာတော်ကြီးတပါးကို သတိတရ သွားရောက် ကန်တော့တဲ့ အကြောင်းလေးပါ။

 ဆရာတော်ကြီးကသူ့ကိုတွေ့တဲ့ အခါ  ထောင်ထဲက အကြောင်းတွေကို ပြန်ပြီး သတိရလို့ ထင်ပါရဲ့ ၀မ်းနည်းဝမ်းသာ နှုတ်ဆက်တဲ့ အကြောင်း၊ ထောင်ထဲမှာ ၀တ်ကြီးဝတ်ငယ် ပြုစုခဲ့တဲ့ ကျောင်းသားတွေကို ကျေးဇူး တင်ကြောင်း ပြောရှာတယ် တဲ့။ ထောင်အကြောင်း အလ္လာပသလ္လာပ ပြန်ပြောတဲ့ အခါ ဆရာတော်ကြီးက ငရဲ ဆိုတာတောင် ဒီလောက် ဆိုးမယ် မထင်ပါဘူးကွာ လို့ ထောင်ရဲ့ အတွေ့အကြုံတွေကို ၀မ်းနည်းကြေကွဲစွာ ပြောရှာတယ် တဲ့။ နားထောင်ပြီး အတော်လေး စိတ်ထိခိုက်မိတယ်။

ဘုန်းကြီးတွေ ထောင်ထဲမှာ ထောင်ဝန်ထမ်းတွေရဲ့ မိုက်မိုက်ရိုင်းရိုင်း ဆက်ဆံခံခဲ့ရတာတွေ၊ အကျဉ်းသားတွေကို စာသင်ပေးလို့ သက်တော်ကြီး ဆရာတော်ကြီးတွေ ရက်ရက်စက်စက် အရိုက်ခံခဲ့ရတာတွေကို ကြားရတိုင်း အတော်လေးကို အံ့သြ တုန်လှုပ်မိတယ်။ ဗုဒ္ဓဘာသာဝင် ထောင်ဝန်ထမ်းတွေ ကိုယ်တိုင်က ဆရာတော်ကြီးတွေကို ရိုက်တာပါ။ တကယ့်ကို ကြေကွဲ ၀မ်းနည်းစရာတွေပါ။

“---သံဃာ့လှုပ်ရှားမှုကရော ဘာကြောင့် ဖြစ်ပေါ်ခဲ့တာလဲ ဆိုတာ ပြန်ကြည့်လိုက်ရင် လူထုတွေ စားဝတ်နေရေး ဆင်းရဲ ငတ်ပြတ်နေတယ်---”

ဦးဇင်းတို့ဘုန်းကြီးတွေဟာ တကယ်ဆိုရင် ထောင်တွေထဲရောက်စရာ အကြောင်းမရှိပါ။ ပရိယတ္တိ ပဋိပတ်လို့ ခေါ်တဲ့ စာသင်စာချ တရားအလုပ်တွေကို အေးအေးဆေးဆေး ထမ်းဆောင်နေရုံပါဘဲ။ ဒါဆိုရင် ဘုန်းကြီးတွေ ထောင်တွေထဲ ဘာကြောင့် ရောက်နေကြရတာလဲ ဆိုတာကို ပြန်စဉ်းစားကြည့်လိုက်တော့ ပြည်သူလူထု ကိုယ့်ဒကာ ဒကာမတွေ ဆင်းရဲဒုက္ခ ရောက်နေတာတွေကို ဥပေက္ခာမပြုနိုင်တဲ့  သူတော်ကောင်းစိတ်တွေကြောင့်ပါ။ သူတော်ကောင်း ဆိုတာ သူတပါး ဒုက္ခရောက်နေတာကို တွေ့ရင် စိတ်နှလုံး တုန်လှုပ်ရစမြဲ ကူညီရစမြဲ မဟုတ်လား၊ တနည်းပြောရရင် စစ်အဏာရှင်တွေ ထင်ရာလုပ် ပြည်သူလူထု အပေါ် ဗိုလ်ကျပြီး ညှဉ်းဆန် နှိပ်စက်နေတာကို လစ်လျူမရှုရက်လို့ပါ။

မြန်မာ့နိုင်ငံရေးသမိုင်းမှာ မျိုးချစ်ဆရာတော်တွေ ဖြစ်ကြတဲ့  ဆရာတော်ဦးဥတ္တမ၊ ဦးဝိစာရတို့က စလို့ ၂၀၀၇ ရွှေဝါရောင် သံဃာ့ လှုပ်ရှားမှု ခေါင်းဆောင် ဆရာတော် ဦးဂမ္ဘီရတို့ အဆုံး ဆရာတော်တွေဟာ ပြည်သူတွေဘက်က ရပ်တည်ပြီး အဖိနှိပ်ခံ လူတန်းစားတွေနဲ့အတူ ရဲရဲဝံ့ဝံ့ ရပ်တည်ခဲ့ကြတာ အားလုံးအသိပါ။

ရှစ်လေးလုံး အရေးအခင်း ဖြစ်တော့ မဟုတ်ရင် မခံတတ်တဲ့ပြည်သူဘက်က ရပ်တည်ခဲ့ကြတဲ့ သံဃာ အများအပြား အဖမ်းခံရပါတယ်။ နောက်တကြိမ် ၁၉၉၀ ရွေးကောက်ပွဲအပြီး မန္တလေး အမျိုးသား ဒီမိုကရေစီ အဖွဲ့ချုပ်က လောင်းလှူတဲ့ ဆွမ်းလောင်းပွဲမှာ စစ်တပ်ရဲ့လူမဆန်စွာ ပစ်ခတ် ဖမ်းဆီးမှုတွေကြောင့် သံဃာတွေ ပျံလွန်တော်မူခဲ့ရသလို ရာနဲ့ချီတဲ့ သံဃာတွေ အဖမ်းခံခဲ့တာပါ။ သံဃာတွေကို ဖမ်းဆီးရတဲ့ အကြောင်းကတော့ ဒီချုပ်က လှူတဲ့ ဆွမ်းကို အလှူခံလို့ပါ န၀တစစ်အာဏာရှင်တွေဟာ ကိုယ့်အမှားကိုတော့ မမြင်ဘဲ အမှန်တရားဘက်က ရပ်တည်နေတဲ့ သံဃာတော်တွေကို ဘယ်လောက်တောင် မုန်းတီးနေတယ် ဆိုတာ အကြမ်းဖက် သတ်ဖြတ် ဖမ်းဆီးပြီး လုပ်ခဲ့တဲ့ လုပ်ရပ်တွေက အထင်အရှား မြင်နေရတာပါ။

“---ခုဆိုရင် ဘုန်းကြီးကျောင်းပေါင်း ခြောက်ဆယ်ကျော် ချိပ်ပိတ်ခံထားရသလို ရဟန်းတော်တွေ ထောင်ထဲမှာရော ရဲဘက်စခန်းတွေမှာ ၂၀၀ ကျော်လောက် ရှိနေပါသေးတယ်---”

သံဃာတော်တွေကို ပြစ်မှားတဲ့ အတွက် အာဏာသိမ်း စစ်အုပ်စုကို ပတ္တနိက္ကုဇ္ဇနကံ (သပိတ်မှောက်ကံ) ဆောင်ခဲ့ပါတယ်။ သံဃာတော်တွေရဲ့ တောင်းဆိုချက်က ရှင်းရှင်းလေးပါ အာဏာအပ်ဘို့ သံဃာတော်တွေက တောင်းဆိုခဲ့တာလည်း မဟုတ်ပါဘူး။ သံဃာတော်တွေကို ပြစ်မှားခဲ့တာတွေကို ၀န်ချ တောင်းပန်ဖို့ပဲ တောင်းဆိုခဲ့တာပါ။

ဒါပေမဲ့ သံဃာတော်တွေရဲ့ တောင်းဆိုချက်တွေကို လျစ်လျူရှု ပြီး စစ်တပ် ဆိုတာ ပစ်ရင် မှန်အောင်ပစ်တယ်၊ မိုးပေါ် ထောင်မပစ်ဘူး ဆိုတဲ့  ဗိုလ်နေ၀င်းရဲ့ နောက်လိုက်တွေ ပီပီ ကျောင်းတိုက်တွေကို စစ်တပ်နဲ့ဝိုင်းပြီး ဖမ်းဆီးခဲ့လို့ မန္တလေးမှ မစိုးရိမ်ဆရာတော်ကြီး ဦးကောဝိဒါဘိဝံ၊ ဆရာတော် ဦးရာဇဓမ္မာဘိဝံသတို့ စတဲ့ သံဃာတွေ အဖမ်းခံခဲ့ရသလို ရန်ကုန်မှာ အင်းစိန် ဆရာတော် ဦးတိလောကာဘိသံ၊ တိပိဋကဆရာတော် ဦးသုမင်္ဂလ၊ မေဒိနီဆရာတော်ကြီး ဦးဥာဏ၀ံသ စတဲ့ ဆရာတော်ကြီးတွေ အပြင် သံဃာငယ်တွေ အဖမ်းခံခဲ့ရတယ်။

၂၀၀၇ ခုနှစ်က ငြိမ်းချမ်းစွာ ဆန္ဒပြနေသည့် သံဃာများ (photo: AFP)

 ဆရာတော်ကြီးတွေကို ထောင်ဝန်ထမ်းတွေက မလေးမစား ဆက်ဆံပြီး  ဟေ့ကောင် - မင်း -ငါ  ပြောပြီး မိုက်မိုက်ရိုင်းရိုင်း ဆက်ဆံခဲ့ကြတာပါ။ ဘယ်လောက် အပြစ်ကြီးမယ် ဆိုတာ စဉ်းစားသာ ကြည့်ပေတော့။ အဲဒီလို ကြီးမားတဲ့ အပြစ်တွေ ကျူးလွန်ခဲ့တဲ့ အာဏာရှင် ခေါင်းဆောင်တွေလည်း အကုသိုလ် ဖိစီးပြီး သေသူသေ၊ ရာထူး ပြုတ်သူပြုတ်၊ ထောင်ထဲ ရောက်သူရောက်နဲ့ စိတ်ဆင်းရဲစွာ ၀ဋ်ကြွေးတွေ ဆပ်နေရတာ မျက်မြင်ပါပဲ။ သံဝေဂ ယူတတ်ရင် သံဝေဂ ရစရာတွေပါ။

၂၀၀၇ ရွေဝါရောင် သံဃာ့လှုပ်ရှားမှုကရော ဘာကြောင့် ဖြစ်ပေါ်ခဲ့တာလဲ ဆိုတာ ပြန်ကြည့်လိုက်ရင် လူထုတွေ စားဝတ်နေရေး ဆင်းရဲ ငတ်ပြတ်နေတယ်၊ ဆန်ဈေး ဆီဈေးစတဲ့ ကုန်ဈေးနှုန်းတွေ ကြီးမြင့်နေတယ်၊ ပြည်သူတွေ ဒုက္ခရောက်နေတယ် အဲဒါတွေကို မြင်ပြီးသံဃာတွေက စိတ် မချမ်းမသာဖြစ်ကြရတယ်။

“---အကျဉ်းကျသံဃာတွေကို မမေ့ကြပါနဲ့ - တတ်နိုင်သမျှ ထောက်ပံ့ကြပါ---”

တနည်းပြောရရင် စစ်အာဏာရှင်တွေက မတရား ကြီးပွား ချမ်းသာနေပြီး နေရာတကာ လက်နက် အားကိုးပြီး လူထုအပေါ် ဗိုလ်ကျလွန်းတဲ့ ဖြစ်ရပ်တွေကြောင့်ပါ။ ဒီလိုမတရားတာကို သံဃာတွေက ငုံ့ခံမယ် ထင်နေသလား။

ဒကာ ဒကာမ လူထုတွေကို မေတ္တာထားကာပြည်သူတွေရဲ့ အခက်အခဲတွေ ပြေလည်စေဖို့ မကြောက် မရွံ့ လမ်းမပေါ် ထွက်ပြီး၊ လူထု ကိုယ်စား အာဏာပိုင်တွေ သိအောင် ငြိမ်းချမ်းစွာ လှည့်လည်ပြီး မေတ္တာသုတ် ရွတ်ဖတ်တယ် မေတ္တာပွားတယ်။

အဲဒီလို ငြိမ်းငြိမ်းချမ်းချမ်း မေတ္တာပွားတဲ့ ပခုက္ကူက ဦးဇင်းလေးတွေကို ဖမ်းဆီးပြီး ဓာတ်တိုင်မှာ ကြိုးချည် ရိုက်နှက်ခဲ့ကြာတာဟာ စစ်အာဏာပိုင်တွေပါ။ ငြိမ်းချမ်းစွာ ဖြေရှင်းလိုရတဲ့ နည်းကိုမသုံးဘဲ စစ်တပ်က အကြမ်းဘက် ဖြိုခွင်းခဲ့တာတွေကြောင့် ဗုဒ္ဓဘာသာသမိုင်းမှာ သွေးစွန်းခဲ့ရသလို ကမ္ဘာ့အလယ်မှာ အရှက်တကွဲ အကျိုးနည်းဖြစ်ခဲ့ရတာ တွေဟာ စစ်အဏာရှင်တွေကြောင့်ပါ။

အဲဒီအချိန်အခါတုန်းကလဲ စစ်အဏာရှင်တွေ တောင်းပန်လိုက်ရင်ပြီးတဲ့ ကိစ္စပါ။ သံဃာထုကလည်း ကျေနပ်မှာပါ။ ဒါပေမဲ့  စစ်တပ်ဆိုတာ ဘယ်တော့မှ မမှား၊ စစ်တပ်လုပ်တာ အမြဲတမ်း မှန်တယ် ဆိုတဲ့ စစ်အာဏာရှင်တွေကြောင့် ညအချိန်မတော်မှာ ရှေ့တန်းစခန်းတွေကို ၀င်စီးသလို သံဃာတော်တွေကို ရိုက်နှက် ဖမ်းဆီး ဘုရားဆင်းတုတော်တွေ ရိုက်ခွဲ။ အလှူငွေတွေကို လုယက် ယူငင်သွားကြာတာတွေဟာ စစ်တပ်ရဲ့ စေတနာအမှန်တွေပါ။

ခုဆိုရင် ဘုန်းကြီးကျောင်းပေါင်း ခြောက်ဆယ်ကျော် ချိပ်ပိတ်ခံထားရသလို ရဟန်းတော်တွေ ထောင်ထဲမှာရော ရဲဘက်စခန်းတွေမှာ ၂၀၀ ကျော်လောက် ရှိနေပါသေးတယ်။ ဒီဆရာတော် သံဃာတော်တွေဟာ ကိုယ်ကျိုးမဘက် လူထုရှေ့က မားမားမတ်မတ် ရပ်ပြီး အများအတွက် အနစ်နာခံပြီး၊ တိုင်းကျိုးပြည်ကျိုး ဆောင်ရွက်ခဲ့ကြလို့ ထောင်ထဲ ရောက်ခဲ့ရတဲ့ သံဃာ့အာဇာနည်တွေပါ။ မတရားမှုတွေကို သတ္တိရှိရှိ တွန်းလှန်ခဲ့တဲ့  သံဃာတော်တွေပါ။

 ဒါ့ကြောင့် အကျဉ်းကျသံဃာတွေကို မမေ့ကြပါနဲ့ - တတ်နိုင်သမျှ ထောက်ပံ့ကြပါ၊ နိုင်ငံရေး အကျဉ်းသားတွေ လွတ်မြောက်ဖို့ အတူတကွ ၀ိုင်းဝန်း လုပ်ဆောင်ကြပါစို့လို့ တိုက်တွန်းပါရစေ။

(သံဃာ့အာဇာနည်များကို လေးစားလျက်)

အရှင်ပညာနန္ဒ

၀၅၊ ၃၁၊ ၂၀၁၁

http://moemaka.com/index.php?option=com_content&task=view&id=8972&Itemid=1