King Zero: သေးသိမ်သည့် လုပ်ရပ်များကြောင့် နိုင်ငံနှင့် ပြည်သူ၏ အနာဂတ်ကို မထိခိုက်စေချင်

written by အောင်မောင်း

လူထုခေါင်းဆောင် ဒေါ်အောင်ဆန်းစုကြည်၏ ပထမဆုံး နယ်လှည့်စည်းရုံးရေး ခရီးစဉ်အဖြစ် ထားဝယ်မြို့သို့ သွားရောက်ခဲ့ရာ ထားဝယ်ဒေသခံ ပြည်သူလူထုကြီးက တစ်ခဲနက် ကြိုဆိုထောက်ခံခဲ့ကြပြီး ကောင်းချီးမင်္ဂလာများ ပေးခဲ့ကြသည်။ လူထုခေါင်းဆောင်အနေဖြင့် ထားဝယ်မြို့သို့ နှစ်ပေါင်း နှစ်ဆယ်အကြာမှ နောက်တစ်ကြိမ် ပြန်ရောက်ခဲ့ရခြင်း ဖြစ်သည်။ ၁၉၈၉ခုနှစ်က လူထုခေါင်းဆောင်၏ ထားဝယ်ခရီးစဉ်တွင် ထားဝယ်လူထုကြီးအနေဖြင့် တစ်ခဲနက် ထောက်ခံ ကြိုဆိုခဲ့ကြသည်။ ထို့နောက်ပိုင်းတွင် ဒေါ်အောင်ဆန်းစုကြည်ကိုယ်တိုင် ထိန်းသိမ်းခံရပြီး ထားဝယ်လူထုကြီးသာမက ပြည်သူလူထု တစ်ရပ်လုံး စစ်အာဏာရှင်အောက်တွင် နှစ်ပေါင်းများစွာ ဖိနှိပ်ထားခဲ့ရသည်။ ဆိုရလျှင် ၂၀၁၀ ရွေးကောက်ပွဲ မတိုင်မီ လအနည်းတွင်မှသာ နိုင်ငံရေး ဆိုသည့် စကားလုံးကို ပြောရဲဆိုရဲသည့် အဆင့်မျှသာရှိလာသည့် အခြေအနေတွင် ထားဝယ်သားတွေမှာ ဖိနှိပ်မှုများစွာ ခံခဲ့ရသည့်တိုင် လက်ရှိအခြေအနေ တွင်လည်း စောင့်ကြည့်မှုများ ရှိနေသည့်တိုင် ၎င်းတို့၏ သတ္တိတွေ တစ်စက်မျှလျော့မသွားကြောင်း လူထုခေါင်းဆောင်ကို လွန်ခဲ့သည့် နှစ်နှစ်ဆယ်ကျော်က ကြိုဆိုခဲ့သည်ထက် ပို၍ကြိုဆိုခဲ့ခြင်းဖြင့် သက်သေပြလိုက်ခြင်းဖြစ်သည်။ အချိန်အခါမပေး၍ နိုင်ငံရေးဘက်တွင် အာရုံစူးစိုက်မှု နည်းပါးသော်ငြား ထားဝယ် လူထု၏ နိုင်ငံရေးစိတ်ဓာတ် သေမသွားကြောင်း ပြသလိုက်ခြင်းလည်း ဖြစ်ပါသည်။

လှံဖျား ပုစဉ်းနား ကျီးကန်းချေးပါ ဆိုသည့် မြန်မာစကားပုံကဲ့သို့ပင် လူထုခေါင်းဆောင်နှင့် ပြည်သူလူထု၏ ချစ်ခင်ရင်းနှီးမှု၊ နှလုံးသားချင်း အပေးအယူမျှမှုတို့ကို ထိတ်လန့်သွားကြသူများမှာ အစိုးရအဖွဲ့နှင့် လွှတ်တော်အတွင်းမှ ပြုပြင်ပြောင်းလဲရေး ဆန့်ကျင်သူများ၊ စိတ်သဘောထား သေးသိမ် ညံ့ဖျင်းသည့် ပြည်ခိုင်ဖြိုးပါတီဝင်များပင် ဖြစ်သည်။ လူထုခေါင်းဆောင် ထားဝယ်ခရီးစဉ်မှ ပြန်ရောက်ပြီး မကြာမီတွင်ပင် မန္တလေးမြို့သို့ ဆက်လက် ထွက်ခွာရန် စီစဉ်ထားမှုကို ရွှေ့ ဆိုင်းလိုက်ရပြီး ဟောပြောရန် နေရာအခက်အခဲဖြစ်မှုကြောင့်ဟု သတင်းထုတ်ပြန်ခဲ့သည်။ မြန်မာနိုင်ငံ ဘောလုံးအဖွဲ့ချုပ် မှလည်း ဗထူးကွင်းအား ဒေါ်အောင်ဆန်းစုကြည်ကို ငှားရမ်းမပေးခဲ့မှုသည် အားကစားကိစ္စရပ်များမှလွဲ၍ အခြားကိစ္စများတွင် အသုံးမပြုရန် အထက် အာဏာပိုင်များမှ ညွှန်ကြားထား၍ ဖြစ်ကြောင်း၊ မီဒီယာများ စွပ်စွဲရေးသားသကဲ့သို့ ဒေါ်အောင်ဆန်းစုကြည်ဖြစ်နေ၍ မငှားရမ်းရခြင်း မဟုတ်ပါကြောင်း ဖြေရှင်းချက်ထုတ်ခဲ့သည်။ ထိုသို့ဆိုလျှင် ရွေးကောက်ပွဲမတိုင်မီ ကာလများက ပြည်ခိုင်ဖြိုးပါတီ လုပ်လေ့လုပ်ထရှိသည့် တစ်အိမ်တစ်ယောက် မလိုက် မနေရ အမိန့်ဖြင့် ဗထူးကွင်းတွင် ဟောပြာပွဲများပြုလုပ်ခြင်း၊ နိုင်ငံရေးအင်အားစုများအား ရှုံ့ချမှုများ ပြုလုပ်ခြင်းများ ပြုလုပ်ခဲ့စဉ်က အထက်အာဏာပိုင်များ အဘယ့်ကြောင့် နှုတ်ဆိတ်နေခဲ့ရသနည်းဟူ၍သာ ဆိုရန်ရှိပါသည်။ ထိုကိစ္စအတွက် ဘောလုံးအဖွဲ့ချုပ်တွင် တာဝန်မရှိဘဲ အာဏာပိုင်များတွင်သာ တာဝန်ရှိပါလိမ့်မည်။ ဘောလုံးအဖွဲ့ချုပ်ဥက္ကဋ္ဌ ဦးဇော်ဇော်မှာ အထင်ကရပုဂ္ဂိုလ်များကို ချဉ်းကပ်တတ်သည့် ဥာဉ်ရှိပေရာ ဒေါ်အောင်ဆန်းစုကြည်ကို ဘောလုံးပွဲကြည့်ရန်ပင် ဖိတ်ခေါ်ခဲ့ဖူးသည်။ ထို့ကြောင့် ယခုကိစ္စတွင် အခန့်မသင့်ပါက ဦးဇော်ဇော်ကိုပင် ၎င်း၏ ကျေးဇူးရှင် အာဏာပိုင်ကြီးအချို့က အမျက်တော်ရှဖွယ် ရှိပေသည်။

လူထုခေါင်းဆောင်အနေဖြင့် ဖေဖော်ဝါရီ ၇ ရက်တွင် ပုသိမ်မြို့သို့ သွားရောက်ဟောပြောရန် စီစဉ်ထားသည်။ သူမအနေဖြင့် ရန်ကုန်လူထုမှအပ နှစ်ပေါင်းနှစ်ဆယ်ကျော်အတွင်း သူမကို ထောက်ခံသည့် ပြည်သူတွေကို လူကိုယ်တိုင် မတွေ့ရသေးသောကြောင့် ၆၀ကျော်ဆိုသည့် အသက်အရွယ်ကိုမျှ မထောက် မမောမပန်းဆက်တိုက်ဆိုသလို ခရီးတွေထွက်ကာ ပြည်သူတွေနှင့်ထိတွေ့ရန် ကြိုးပမ်းခြင်းလည်း ဖြစ်သည်။ သို့ရာတွင် ဒေါ်အောင်ဆန်း စုကြည် လာရောက်မည်နှင့် တိုက်ဆိုင်စွာပင် ပုသိမ်တက္ကသိုလ်မှ အထူးပြုဘာသာရပ်အားလုံး ဖေဖော်ဝါရီလ ၇ ရက်နေ့တွင် စာမေးပွဲဖြေရမည်ဟု အမိန့်ထွက်လာသည်။ တစ်နိုင်ငံလုံးအတိုင်းအတာဖြင့် ဒီဇင်ဘာတွင် အထူးပြုတက္ကသိုလ်များ စတင်ဖွင့်လှစ်ပြီး ဧပြီလ၏ပထမဆုံးအပတ်တွင် နှစ်ဝက် စာမေးပွဲ စစ်ဆေးလေ့ရှိပါသည်။ ယခုစစ်ဆေးမည့် စာမေးပွဲများသည် နှစ်ဝက်စာမေးပွဲမဟုတ်ဘဲ အကြိုစာမေးပွဲဟူ၍လည်း ပုသိမ်တက္ကသိုလ်မှ တာဝန် ရှိသူများက ဆိုပါသည်။ သို့ရာတွင် ကျူတိုရီယယ်နှင့် လက်တွေ့ဘာသာရပ်များသာရှိသော တက္ကသိုလ်တွင် အကြိုစာမေးပွဲဟူသည်မှာ မရှိခဲ့ဘူးပါ။ ပို၍ ဆိုးသည်မှာ စာမေးပွဲကို ရုတ်တရက် စစ်ဆေးလိုက်ခြင်းကြောင့် ကျောင်းသားများအနေဖြင့် စာမေးပွဲဖြေဆိုနိုင်ခြင်း မရှိသော်လည်း စာမေးပွဲခန်း အတွင်း လာရောက်ထိုင်နေပါက စာမေးပွဲအောင်ပေးမည်ဟု ပြောကြားခဲ့ခြင်းပင်ဖြစ်သည်။ထို့ကြောင့် ယခု ပုသိမ်တက္ကသိုလ်၏ အကြိုစာမေးပွဲမှာ ဒေါ်အောင်ဆန်း စုကြည်၏ ခရီးစဉ်အတွင်း ပြည်သူလူထု၏ ကြိုဆိုမှုနည်းပါးစေရန် ရည်ရွယ် ချက်ရှိရှိ လုပ်ဆောင်ခြင်းဖြစ်ကြောင်း ပေါ်လွင်လျက် ရှိပါသည်။

ကုလသမဂ္ဂ အထွေထွေ အတွင်းရေးမှူးချုပ် ဦးသန့်ကိုယ်တိုင်ရေးသားခဲ့သော “ OH We’re Burma” ဟူသည့် ဆောင်းပါးတစ်ပုဒ်တွင် မြန်မာလူမျိုးတို့၏ မနာလိုဝန်တိုမှုနှင့် ကလေးဆန်မှု၊ အရိုအသေခံချင်မှုတို့ကို လှစ်ဟပြထားသည်။ ဦးသန့်၏ဆောင်းပါးသည် ယခုအချိန်ထိ သွေးထွက်အောင် မှန်ကန်နေသေးကြောင်း ပြသနေသကဲ့သို့လည်း ရှိပါသည်။ မြန်မာကလေးငယ်များသည် အဖေနှင့်အမေ မည်သူ့ကို ပိုချစ်သနည်းဟု မေးလျှင် ဖြေရကျပ်ကြသည်။ ဤသည်မှာ မိသားစုအတွင်းမှာပင် ပို၍ဦးစားပေးခံလိုမှုကို လိုချင်ကြသည့် မြန်မာတို့၏ စိတ်ဓာတ်အခံပင်ဖြစ်သည်။ ယခု ဒေါ်အောင် ဆန်းစုကြည်ခရီးစဉ်များအတွင်း ကမောက်ကမဖြစ်စေရန် လုပ်ဆောင်နေမှုများသည်လည်း ထိုနည်းနှင်နှင်သာ ဖြစ်ပါသည်။ ထိုကဲ့သို့ ပြုမူ ကြသည့်အတွက် အစိုးရအဖွဲ့အတွင်း အပြောင်းအလဲကို လိုလားပြီး ပြည်သူလူထုအတွက် အမှန်တကယ်စေတနာရှိစွာ ကြိုးပမ်းဆောင်ရွက်နေကြသည့် နိုင်ငံတော် သမ္မတကြီးနှင့် ဝန်ကြီးအချို့၏ ဂုဏ်သတင်းနှင့် ပုံရိပ်ကောင်းများကို ထိခိုက်စေရုံမျှမက အချို့နေရာဒေသများတွင် ပြည်သူလူထုအကျိုးကို အမှန်တကယ် သယ်ပိုး နေကြသည့် စိတ်ရင်း စေတနာ မှန်သည့် ပြည်ခိုင်ဖြိုးပါတီဝင်များ၏ ဂုဏ်သိက္ခာကိုပါ ထိခိုက်စေပါသည်။

လူထုခေါင်းဆောင် ဒေါ်အောင်ဆန်းစုကြည်က ထားဝယ်မြို့တွင် ပြောကြားခဲ့သည်မှာ မိမိတို့အနေဖြင့် ပြည်သူလူ ထု၏ စိတ်ထဲက ထောက်ခံမှုနှင့် မေတ္တာကို ရယူလိုခြင်းသာ ဖြစ်ကြောင်း၊ ဆန္ဒမဲရရှိလို၍ မဟုတ်ကြောင်း၊ ပြည်သူလူထု၏ လိုလားချက်များကို အတတ်နိုင်ဆုံး ကူညီဆောင်ရွက်ပေးမည် ဖြစ်ကြောင်း၊ လတ်တလော အခြေအနေတွင် မည်သည့်ကတိကိုမျှ ပေးနိုင်ခြင်းမရှိကြောင်း ရိုးသားစွာ ပြောကြားခဲ့သည်။ ဤသည်ပင်လျှင် နိုင်ငံရေးအရ၊ ဂုဏ်သိက္ခာအရ ရိုးသားမှုရှိသူကို ပြည်သူတို့က ဦးညွတ်ကြခြင်းဖြစ်သည်ကို လက်တွေ့ကျကျ ရှုမြင်နိုင်ပါသည်။ လူထုခေါင်းဆောင်အနေဖြင့် လမ်းဖောက် ပေးမည်ဟုလည်း မဲမဆွယ်ခဲ့သလို လျှပ်စစ်မီးရစေရမည်ဟူ၍လည်း စည်းရုံးခြင်းမပြုခဲ့ပါ။ မြန်မာပြည်သူလူထုသည် ကျွေးတာယူ၊ ပေးတာစား ဆိုသည့် အဆင့်မဟုတ်တော့ပါ။ ပြည်သူလူထု၏ စစ်မှန်သော ထောက်ခံအားပေးမှုကိုလိုလျှင် ပြည်သူလူထုအတွက် ကိုယ်ကျိုးကင်းကင်း ရိုးသားမှုရှိစွာ ပေးဆပ်နိုင်ဖို့ လိုပါသည်။ လူထုခေါင်းဆောင်ရရှိခဲ့သည့် ပေးဆပ်မှုများသည် နှစ်ပေါင်းနှစ်ဆယ်ကြာ ရိုးဂုဏ်အတိဖြင့် တည်ဆောက်ခဲ့ရခြင်းဖြစ်သည်ကို သတိချပ်စေလိုပါသည်။ လူထုခေါင်းဆောင်ကဲ့သို့ ထောက်ခံမှုကို ရရှိလိုလျှင် သူမကဲ့သို့ ကျင့်ကြံနိုင်ရမည်ဖြစ်ပြီး သူမအား ထိခိုက်စေရန် လုပ်ဆောင် ခြင်းသည် ပြည်သူလူထု၏ ရွံရှာမှုကိုသာ ဆက်၍ ခံယူရဖွယ်ရှိနေပါသည်။

ထားဝယ်မြို့မှ ဒေသခံတစ်ဦးကမူ ယခုတစ်ကြိမ်တွင် NLD ပါတီကို မဲပေးမည်ဖြစ်သော်လည်း နောက်တစ်ကြိမ် ရွေးကောက်ပွဲများတွင် အခြားပါတီများမှ ပြည်သူ့ကောင်းကျိုးဆောင်ရွက်သူများကို မဲပေးမည်ဖြစ်ကြောင်း၊ တစ်ပါတီတည်းက စိုးမိုးသွားမည်ကို မလိုလား၍ ဖြစ်ကြောင်း ပြောကြားခဲ့ရာ ပြည်သူလူထု၏ နိုင်ငံရေးရေချိန်မြင့်မားမှုကို အထင်းသား တွေ့မြင်နိုင်ပါသည်။ ပြည်သူလူထုကြီးအနေဖြင့် မရိ်ုင်းပါဟူ၍သာ ဆိုရပါလိမ့်မည်။

ကြားဖြတ်ရွေးကောက်ပွဲများတွင် ဒေါ်အောင်ဆန်းစုကြည် ပါဝင်လာရန် သမ္မတကြီးကိုယ်တိုင်က လမ်းဖွင့်ပေးခဲ့ ခြင်းဖြစ်ပြီး ပြည်သူလူထုနှင့် နိုင်ငံရေး အင်အားစုများကလည်း တစ်ခဲနက် ကြိုဆိုခဲ့ကြပါသည်။ ဒေါ်အောင်ဆန်းစုကြည်အနေဖြင့်လည်း သမ္မတကြီးကို ယုံကြည်၍ ပြည်သူလူထု အကျိုးအတွက် ရှေးရှု၍ ရွေးကောက်ပွဲဝင်ခဲ့ခြင်း ဖြစ်သည်။ ဆိုရလျှင် သမ္မတကြီးရော၊ ဒေါ်အောင်ဆန်းစုကြည်ရော၊ ပြည်သူလူထုကြီးရော ရိုးသားမှုများ အပြည့်ရှိနေကြချိန်တွင် အပြောင်းအလဲ မလိုလားသူများ၏ သေးသိမ်သောလုပ်ရပ်များကသာ ရှက်ဖွယ်လိလိ ဖြစ်နေပြီဆိုသည်ကို မီးမောင်းထိုးပြ လိုခြင်းသာ ဖြစ်ပါသည်။