အပ္ပမာဒေန
သမ္ပာဒေထ လို့ပြောလိုက်တိုင်း အာမဘန္တေ လို့အကြိမ်ကြိမ် ပြောခဲ့ကြကတိပေးခဲ့ကြတဲ့
ရွှေမြန်မာတွေ ဒီစကားလုံးကို ဘယ်လိုနားလည်လို့ ဘယ်လိုသဘောပေါက် နေကြတယ်ဆိုတာတော့
မသိပါဘူး။ ဒါပေမဲ့ ရွှေမြန်မာအများစုကြည့်လိုက်တော့
ဒီစကားလုံးကိုကောင်းကောင်းသဘောမပေါက်ဘူး လို့ခံစားမိပါတယ်။ ဒီစကားလုံးဟာ
မြတ်စွာဘုရား ရှင်ရဲ့ စကားတော်တွေ ထဲမှာအရေးကြီးဆုံးစကား။ မြတ်စွာဘုရားရှင်
အပြောများဆုံးစကား ပြီးတော့ ပရိနိဗ္ဗာန်ပြုကာနှီးဆဲဆဲအချိန်ထိ အရေးကြီးဆုံးမှာခဲ့တာ
ဒီစကားပါပဲ။ ဒီလောက်အရေးကြီးဆုံးစကားကို ဒို့ရွှေမြန်မာတွေ ဘာလို့ လေးလေးနက်နက်
မစဉ်းစားကြတာလဲလို့ ဒီစကားလုံးရဲ့ ကြီးမားကျယ်ပြန့်တဲ့ အဓိပ္ပါယ်တွေကို
စဉ်းစားတွေးခေါ်နေချိန် ဦးဇင်းလေးဒါ RANGOON ROAD ရန်ကုန်လမ်းလေ လို့ စကားသံ
ဝင်လာတာနဲ့ အတွေးစ ပြတ်သွားပါတယ်။ အေးဦးဇင်း စကာင်္ပူမှာ အသွားချင်ဆုံးနေရာဟာ
ဒီနေရာပါပဲ။
ဦးဇင်းတရားဟောတိုင်း စကားတွေပြောတိုင်း
ဒီအကြောင်းကိုအမြဲထည့်ပြောနေတာ။ စင်္ကာပူနိုင်ငံဟာ ရန်ကုန်ကို ပုံစံယူပြီး
တည်ဆောက်ခဲ့ရတာ။ မြန်မာနိုင်ငံဟာ စင်္ကာပူရဲ့ စံပြနိုင်ငံတစ်ခုဆိုတာကို
နောင်နှစ်ပေါင်း နှစ်ဆယ်ကြာရင် မြန်မာကို မှီရမယ်ဆိုတဲ့ စင်္ကာပူဝန်ကြီးချုပ်ဟောင်း
လီကွမ်ယုပြောခဲ့တဲ့ စကားတွေဟာ ယနေ့ထက်ထိ သမိုင်းသက်သေအဖြစ် ကျန်ရစ် နေပါသေးတယ်။
ဒီစကားတွေကို ဒို့လူမျိုးတွေ ပမာဏ မေ့လျော့သွားကြပြီလား။ မမေ့မလျော့ သတိတရားရှိရှိ
နေကြပါမယ် လို့ အတန်တန် ကတိပေးပြီး နေကြတဲ့ ရွှေမြန်မာတွေ ကြည့်လိုက်တော့ သူတို့နဲ့
မဆိုင်သလို သူတို့မဟုတ်သလို ပျော်ပျော်ပါးပါး မေ့မေ့ပျောက်ပျောက် စားသောက်နေကြတာ
တွေတွေ့ရပါတယ်။ တချိန်က ငါတို့နိုင်ငံဟာ အာရှမှာ မြန်မာဟေ့လို့ ၀င့်ဝင့်ထည်ထည်
ဂုဏ်သိက္ခာရှိရှိနဲ့ နေခဲ့တာ။ အခုတော့ မြန်မာဆိုရင် ဘယ်နိုင်ငံကမဆို
အထင်သေးအမြင်သေး မျက်နှာတွေနဲ့ ကြည့်နေကြပြီ။ တချိန်က ဗိုလ်ချုပ်အောင်ဆန်းနှင့်
တကွ အာဇာနည်ခေါင်းဆောင်ကြီးတွေက သက်စွန့်ကြိုးပန်း စည်းလုံးညီညွတ်စွာနဲ့
တိုက်ထုတ်ခဲ့ကြလို့ တိုင်းတစ်ပါး ကျွန်ဘ၀ကလွတ်ပြီး ကမ္ဘာက အထင်ကြီး
လေးစားခံခဲ့ကြရတယ်။ အာရှမှာ ဒီမိုကရေစီစနစ်ကို စောစီးစွာကျင့်သုံးနိုင်ခဲ့တယ်။
အဲဒီအချိန်က မြန်မာနိုင်ငံမှ ခေါင်းဆောင်ကြီးတွေ ကမ္ဘာ့ငြိမ်း ရေးတွေမှာ
ရှေ့ဆောင်ပြီးတော့ ပါဝင်ဆောင်ရွက်နိုင်ခဲ့ကြတယ်။ FROM BURMA လို့ လက်မထောင် ပြီး
ဂုဏ်ယူဝင့်ကြွား ပြောနိုင်နေနိုင်ခဲ့ကြတယ်။
အခုတော့ လုံးဝ ပြောင်းပြန်ဖြစ်သွားပြီ FROM
BURMA လို့ပြောခါနီးအလိုလို နှုတ်တွေအနေကြတယ်။ စိုးရိမ်နေကြတယ်။ မျက်နှာတွေ
ညိုးငယ်နေကြရတယ်။ ဒါဟာဘာကြောင့်လဲ။ သေသေချာချာ ပြန်စဉ်းစားကြပါ။ လေးလေးနက်နက်
တွေးခေါ်ကြပါ။ အပြန်အလှန် မေးမြန်းကြပါ။ ငါတို့ဟာ တစ်ချိန်က ကမ္ဘာ့အလယ်မှာ
ဂုဏ်ယူဝင့်ကြွား လက်မထောင်ပြီး နေနိုင်ရာကနေ ကမ္ဘာ့နိုင်ငံ အသီးသီးမှာ
ကျွန်လိုက်ခံနေကြရတာ ဘာကြောင့်လဲ။ ဒီလိုပဲ ကျွန်ဘ၀နဲ့ နိဂုံးချုပ် ကြတော့မှာလား။
တချိန်က ခေါင်းဆောင်ကြီးတွေ တာဝန်ကျေခဲ့ကြလို့ တိုင်းတစ်ပါးကျွန်ဘ၀
ကလွတ်မြောက်ပြီး ကမ္ဘာ့အလယ်မှာ ၀င့်ဝင့်ထည်ထည် နေနိုင်ခဲ့တာ ငါတို့လက်ထက်ကျမှ
တိုင်းတစ်ပါး ထက်ဆိုးတဲ့ တို့ကိုးကွယ်တဲ့ ရဟန်းသံဃာတော်တွေကိုပါသတ်
ထောင်ထဲချနှိပ်စက် ပြီးတော့ ဒို့လူမျိုးတွေ ရောက်လေရာမှာ မျက်နှာငယ်နေရအောင်
ကျွန်ဇတ်သွင်းထားတဲ့ စစ်အာဏာရှင်တွေကို မတော်လှန်နိုင် ကြတော့ဘူးလား။
ဒီလိုပဲရောက်လေရာမှာ ရတဲ့ပိုက်ဆံလေးနဲ့ ကျေနပ်နေကြတော့မှာလား။
ငါတို့ဟာကျွန်လူမျိူး မဟုတ်ဘူး ငါတို့ဟာ အမျိုးဂုဏ် ဇာတိဂုဏ်နဲ့ ပတ်သတ်လာရင်
အသက်ကိုပင် ပဓာနမထား ကိုယ်ကျိုးစွန့်လွှတ် တိုက်ပွဲဝင်ကြတဲ့ သခင်မျိုးတွေဖြစ်တယ်
ဆိုတာကို ပမာဒ မေ့လျော့ကုန်ကျပြီးလား။ ရက်ပေါင်း ၁၆၆ ရက်တိုင်တိုင် အစာမစားပဲ
အစာငတ်ခံဆန္ဒပြ တိုက်ပွဲဝင် သွားတဲ့ သာသနာ့ အာဇာနည်ဆရာတော် ဦးဝိစာရ ပြန်လွန်တော်မူခါနီး
မှာသွားတဲ့ လိမ္မာရစ်ကြပါဆိုတဲ့စကားဟာ မမေ့မလျော့ သတိတရားရှိရှိ ညီညီညွတ်ညွတ်
တိုက်ပွဲဝင်ကြပါ။ အချင်းချင်းရန်မဖြစ်ကြပါနဲ့ မမိုက်ကြပါနဲ့ လို့ ပြောချင်းသာ
ဖြစ်ပါတယ်။ စစ်အာဏာရှင်ကို တော်လှန်နေကြသူ အချင်းချင်း ရန်ဖြစ်နေကြ
တိုက်ခိုက်နေကြဖို့ အချိန်မဟုတ်ပါဘူး။ ယနေ့ပြည်နယ် အသီးသီး တိုင်းအသီးသီး
မြို့ရောတောရော လှည်းနေ လှေအောင်း မြင်းဇောင်းပါမကျန် စည်းလုံးညီးညွတ်စွာဖြင့်
တပြိုင်နက်တည်း သပိတ်တိုက်ပွဲ ဆင်နွဲကြမည်ဆိုလျှင် စစ်အာဏာရှင် စစ်ကျွန်ဘ၀က
ကျိန်းသေမုချ လွတ်မြောက်မှာ ဖြစ်ပါတယ်။ ကမ္ဘာ့အလယ်မှာ မြန်မာဟေ့လို့ ၀င့်ဝင့်ထည်ထည်
တင့်တင့်တယ်တယ်နဲ့ ပြန်လည်ပြီးတော့ နေနိုင်လာမှာဖြစ်ပါတယ်။
အပ္ပမာဒေန သမ္ပာဒေထ မမေ့မလျော့ သတိတရားနဲ့
နေကြလို့ဆိုတဲ့အခါမှာ အာမဘန္တေ မမေ့မလျော့ သတိတရားနဲ့နေကြပါမယ်လို့ ပြောခဲ့
ကတိပေးခဲ့ကြတာကို မမေ့ပါနှင့်။ လောကီဖြစ်တဲ့ အမျိုးဂုဏ် ဇာတိဂုဏ် တွေ အပေါ်မှာရှိရမဲ့
သတိတရားကိုတောင်မထားနိုင်ဘူးဆိုရင် ဒီထက်အဆပေါင်းမြောက်များစွာ ခက်တဲ့
လောကုတ္တရာနယ်ပယ် ရုပ်နာမ် တရားတွေ စက္ကန့်မလပ် ဖြစ်ပျက်နေတဲ့ အပေါ်မှာသတိ
တရားရှိဖို့ဟာ ပိုတောင် မလွယ်ပါသေးတယ်။ ခပ်လွယ် ကတိမပေးကြပါနဲ့ ကိုယ်နိုင်တဲ့
ကတိပေးပြီး ကိုယ်နိုင်တဲ့ဝန်ကို အရင်ထမ်းကြပါ။ မြန်မာနိုင်ငံသားအားလုံး
တာဝန်ကျေကြဖို့ အချိန်တန်ပါပြီ။ ကျနော်တို့တာဝန် မကျေရင် ကျနော်တို့ရဲ့
နောက်လာမဲ့ မျိုးဆက်သစ်တွေ ဒီလိုဘဲ ဆက်ပြီး ကျွန်ခံနေကြရအုံးမယ်။ မျက်နှာငယ်နေ
ကြရအုံးမယ်... စိုးရိမ်နေကြရအုံးမယ်။ တာဝန်သိရင် တာဝန်ရှိတယ်၊ တာဝန်ကို
သူတော်ကောင်း သူမြတ်လောင်းတွေ သိကြသည်။ သိသည့်အတိုင်းလည်း ထမ်းဆောင်ကြပါသည်။
တာဝန်သိသိ သစ္စာရှိရှိဖြင့် တက်ညီလက်ညီ မမေ့မလျော့ သတိ တရား လက်ကိုင်ထား၍
စစ်အာဏာရှင်များကို တိုက်ထုတ်နိုင်ကြပါစေဟု ဆန္ဒပြုရင်း....
မင်းသုည(ဗုဒ္ဓတက္ကသိုလ်)
အချင်းချင်း
လက်ဆင့်ကမ်း ဖြန့်ဝေပေးကြပါ ရန်တိုက်တွန်းနှိုးဆော်ပါသည်။
ဝေဖန်အကြံပြုစာများ
ရေးပို့မည်ဆိုလျှင်.... king.issariya@gmail.com www.king-zero.com
0 comments:
Post a Comment