၂၀၁၀ ရွေးကောက်ပွဲနှင့် အနာဂတ်သာသနာ (အပိုင်း - ၁)

ဗုဒ္ဓေါဝါဒဆရာတော်၊ အမေရိက

အောက်တိုဘာ ၁၄၊ ၂၀၁၀ မိုးမခ

(အပိုင်း ၁ မှာ သံဃာတွေ နိုင်ငံရေး လုပ်သင့်သလား ဆိုတဲ့ အချက်နဲ့ ပြီးခဲ့တဲ့ နှစ်ပေါင်း ၄၀ အတွင်း မြန်မာပြည်က သံဃာတွေ စနစ်တကျ ချုပ်ကိုင်၊ အနိုင်ကျင့်ခံရပုံတွေကို ဖော်ပြထားပါတယ်။)

ဗုဒ္ဓဘုရားရှင်ကိုယ်တိုင် နိုင်ငံရေးစခဲ့ရပုံ

ဗုဒ္ဓဘာသာဝင်များ ကြားဖူးနားဝရှိတဲ့ မြစ်ရေခွဲဝေ သုံးစွဲရေး အငြင်းပွားမှုမှာ ဗုဒ္ဓမြတ်စွာဘုရား သက်တော်ထင်ရှား ရှိစဉ် ဖြစ်ပွားခဲ့တယ်။ ကပ္ပိလ နဲ့ ကောလိယ နှစ်ပြည်ထောင်အကြား ဖြတ်သန်း စီးဆင်းသွားသော ရောဟဏီမြစ်ရေကို သူအရင်ယူထိုက်၊ ငါအရင်ယူထိုက် စကားနိုင်လုကြရာမှ နောက်ဆုံး နှစ်ပြည်ထောင် စစ်ဖြစ်မယ့် အခြေအနေသို့ ရောက်ခဲ့ကြတယ်။ ဗုဒ္ဓမြတ်စွာက ကောင်းကင်ယံ၌ ထက်ဝယ်ဖွဲ့ခွေ စံနေတော်မူကာ နှစ်ပြည်ထောင် မင်းသားတို့အား ငြိမ်းချမ်းရေး တရား အဖြစ် မဟာသမယသုတ် တရားတော်ကို တိုက်ကျွေးခြင်းဖြင့် ပြေငြိမ်းစေခဲ့ပါတယ်။ မြစ်ရေခွဲဝေ သုံးစွဲရေး ပြဿနာကြောင့် စစ်ဖြစ်မည့် အခြေအနေမှ လွန်မြောက်ကာ နှစ်ဘက်သော မင်းညီမင်းသားတို့အား သာသနာ့ ဘောင်သို့ ဝင်စေခဲ့တယ်၊ မဟာသမယသုတ် တရားတော်ကို မဟာသက္ကရာဇ် ၁၄၈-ခု၊ နယုန်လပြည့်နေ့တွင် ရှင်တော်ဗုဒ္ဓ ဟောတော်မူခဲ့ပါတယ်၊ ဒီဃနိကယ် မဟာဝါပါဠိ စာမျက်နှာ၂၀၂၊ ၎င်း အဋ္ဌကထာ စာမျက်နှာ၂၆၄၊ ၎င်းဋီကာ၂၃ မှာ အထင်ရှား ရှိပါတယ်။

ကပ္ပိလ နဲ့ ကောလိယ နှစ်ဘက် တင်းမာနေခဲ့တာ ဘုရားရှင်က ကြားဝင်ပြီး ဖြေရှင်းပေးလိုက်တဲ့အခါမှာ တိုင်းပြည်မှာ ငြိမ်းချမ်းမူတွေ ရရှိသွားပါတယ်၊ တိုင်းပြည်တခုမှာ အတူနေကြတဲ့ လူတွေအားလုံးမှာ ကောင်းကျိုး ဆိုးကျိုး ဆိုတာ ဖြစ်လာရင် မျှဝေ ခံစားကြရတာ သဘာဝပါ၊ ”နိုင်ငံတစ်ခု မကောင်းဘဲနဲ့ သာသနာဆိုတာ ဘယ်လိုကောင်းမလဲ၊ နိုင်ငံဆိုတာ(ဋ္ဌာန) အိမ်လိုပဲ။ သာသနာဆိုတာ (ဋ္ဌာနူ) အဲဒီအိမ်ပေါ်မှာ တက်နေတဲ့ လူလိုပဲ၊ အိမ်ကြီးက ယိုယွင်းပျက်စီးနေရင် အိမ်ပေါ်မှာ နေတဲ့လူတွေ ဘယ်လိုလုပ်နေမလဲ၊ သာသနာရေးနဲ့ နိုင်ငံရေး ပူးတွဲ မလုပ်သင့်ဘူး ပြောနေတာ သာသနာရေးနဲ့ နိုင်ငံရေးကို ကွဲကွဲပြားပြား မသိသေးလို့ပဲ” လို့ သာသနာ့ဥသျှောင် အဖွဲ့ဥက္ကဋ္ဌ ကမ္ဘာ့သာသနာပြု ပီနန်ဆရာတော်ကြီးက မိန့်ဆိုခဲ့ပါတယ်။

မြန်မာနိုင်ငံ လွတ်လပ်ရေး ကြိုးပမ်းစဉ် ကာလ

မြန်မာနိုင်ငံ လွတ်လပ်ရေးရရှိဖို့ ဗိုလ်ချုပ်အောင်ဆန်း ဦးဆောင်တဲ့ ရဲဘော်သုံးကျိပ်တို့ နယ်ချဲ့ကို တော်လှန်ခဲ့ တာဟာ သမိုင်းမှာ အထင်ရှားပါ၊ အလားတူ ဆရာတော်ဦးဥတ္တမ၊ ဦးဝိစာရတို့က အသက်ကို ပဓာနမထား တိုင်းပြည် လွတ်လပ်ရေးကိုယ်သာ အလေးထားပြီး မတရားမှုကို တိုက်ခဲ့ကြတယ်၊ ဒီဆရာတော်တွေက ဘာဖြစ်လို့ တော်လှန်ရေးကို စခဲ့ကြတာလဲ ဆိုရင် ဘုရားသားတော် ဆိုတာ အမှန်တရားကို မြတ်နိုးတယ်၊ ကိုယ်တိုင်းပြည် ကိုယ်လူမျိုးတွေ အပေါ် မတရား ဗိုလ်ကျ အနိုင်ကျင့်တဲ့ နယ်ချဲ့ရဲ့ ရက်စက် ကြမ်းကြုတ်မူတွေကို လက်ပိုက်ပြီး ဘယ်လို ကြည့်နေနိုင်မလဲ၊ တိုင်းပြည်အတွင်းက မတရားမှုတွေကို သံဃာတွေက တွန်းလှန်ခဲ့တဲ့ သံဃသမိုင်း အထင်ရှားပါ၊ ကိုယ့်လူမျိုးတွေ အပေါ်မှာ မတရားသဖြင့် အုပ်ချုပ် စိုးမိုးနေတဲ့ နယ်ချဲ့စနစ် မတရားတာကို မတရား ပါဘူးလို့ လွတ်လပ်ရေး ခေတ်ဦးမှာ သံဃာတော်တွေရဲ့ ဆန္ဒကို ဖော်ထုတ်ခဲ့ပါပြီ၊ အင်္ဂလိပ်အစိုးရလက်ချက်ကြောင့် ဆရာတော်ဦးဝိစာရ ပျံလွန်ခဲ့ရတာပါ၊ မြန်မာနိုင်ငံ လွတ်လပ်ရေး ရဖို့ သံဃာများရဲ့ အသက်သွေးနဲ့ ဘ၀တွေကို စတေးပြီးမှ လွတ်လပ်ရေး ရယူခဲ့ရတယ် ဆိုတာ ဘယ်သူမှ သံဃတော်လှန်ရေး သမိုင်းကို ဖုံးကွယ်ထားလို့ မရနိုင်ပါဘူး၊ မြန်မာနိုင်ငံ အတွင်းမှာ မတရားမှုတွေ ရှိနေသမျှ သံဃာတော်တွေက သမိုင်း အစဉ်အဆက် တော်လှန်ခဲ့ကြပါတယ်။

ဗိုလ်ချုပ်ကြီး နေ၀င်း စစ်ဝါဒထဲက သာသနာ

၁၉၆၂-ခုနှစ်က စလို့ ဦးနေ၀င်းက တိုင်းပြည်ကို စစ်ဝါဒနဲ့ အုပ်ချုပ်ခဲ့တာပါ၊ သူ့လက်ထက်မှာ မန္တလေး ရဟန်းပျိုအဖွဲ့ချုပ်က ဦးဆောင် ဆရာတော် ဦးဇောတိက၊ ဦးကုသလတို့ နှိပ်စက်မှု ခံခဲ့ရတယ်၊ ဆရာတော် ဦးကောဝိဒဆိုလဲ ပြည်တွင်းမှာ လုံခြုံမှု မရှိတော့ ကနေဒါနိုင်ငံမှာ သီတင်းသုံးရတယ်၊ ဒီ မန္တလေး ရဟန်းပျို ဆရာတော်တွေဟာ မဆလ အစိုးရကို လက်မခံ နိုင်ဘူးဆိုတာ ပြသခဲ့တယ်၊ တပါတီစနစ်ကို မလို၊ ဒီမိုကရေစီစနစ်သာ လိုလားလို့ ၈၈-ခုနှစ်မှာ ရဟန်းရှင်လူ ကျောင်းသား ပြည်သူများက ဦးနေ၀င်း အစိုးရကို ဖြုတ်ချနိုင်ခဲ့တယ်။

၁၉၆၄ နဲ့ ၁၉၈၀၊ မှော်ဘီ သံဃညီလာခံကို ဦးနေ၀င်း စီစဉ်ခဲ့တဲ့ ရည်ရွယ်ချက်က သံဃာတော်များကို တရားဝင် ချုပ်ကိုင်နိုင်ဖို့ ဖြစ်တယ်၊ ဦးနေ၀င်းက သူဖြစ်ချင်တဲ့ အတိုင်း ဖြစ်စေဖို့ ကြိုတင် အကွက်ချပြီး ဆရာတော်တွေကို အသုံးချသွားခဲ့ပါတယ်၊ မှော်ဘီသံဃာ့ အစည်းဝေးအပြီးမှာ သံဃာတော်များအပေါ် မတရား ဖိနှိပ်တဲ့ ဥပဒေတွေ အစိုးရက ထုတ်ပြန်လာပါတယ်။

အမရပူရတောင်မြို့၊ မဟာဂန္ဓာဆရာတော် အရှင်ဇနကာဘိဝံသရဲ့ အနာဂတ်သာသနာမှာ ဖြစ်လာမည့် ဆိုးကျိုးတွေကို ကာကွယ်ဖို့၊ ခေတ်နဲ့ အညီ သာသနာပြု နိုင်ရန် ရဟန်းသံဃာများရဲ့ ရှေးဟောင်း ပညာရေးမူဟောင်းကနေ စနစ်သစ် ပညာရေးမူများ ပြောင်းလဲဖို့ အဆိုပြုချက်ကို အစိုးရက လက်မခံခဲ့ပါဘူး။ အရှင်ဇနကာဘိဝံသ ဆိုတာ "ဗုဒ္ဓမြတ်စွာ သာသနာ အတွက်မို့ ငါပါ အသက်ဆုံးစေမည်၊ နောင်မဆုတ်ပေါင် ခုလိုတွေးလို့ ကုသိုလ်ရေးမို့ ကြိုးစားမည်" ဆိုတဲ့ အဓိဋ္ဌာန်နဲ့ အညီ ပျံလွန်တော်မူခါနီး အချိန်အထိ သာသနာတော်အကျိုးအတွက် အားသွန်ခွန်စိုက် ကြိုးပမ်းဆောင်ရွက်သွားသူပါ။ အစိုးရက သံဃာတော်များကို ဓမ္မစက်နဲ့ စီရင် ဆုံးဖြတ်တာ မဟုတ်ဘဲ အာဏာစက်နဲ့ပဲ ထောင်ချ နှိပ်စက်တာ ယနေ့တိုင်ပါ။

ဦးနေ၀င်းအစိုးရ လက်ထက်မှာ သံဃာတွေကို သာသနာဝင် မှတ်တမ်း ထုတ်ပေးခဲ့တယ်၊ သာသနာဝင် မှတ်တမ်း ဆိုတာ ဘယ်နေ့၊ ဘယ်နေရာ၊ ဘယ်ဘုန်းတော်ကြီးကျောင်းမှာ ကိုရင်ဝတ်ခဲ့တယ်၊ သို့မဟုတ် ဘယ်မြို့၊ ဘယ်ရွာ၊ ဘယ်ဆရာတော်ကို ဥပဇ္ဈယ်ပြု၍ ရဟန်းဖြစ်လာတဲ့ နေ့ရက်ကို မှတ်တမ်းတင်ထားတဲ့ Ordination Certificate သာ ဖြစ်တယ်၊ မူလ ကိုယ်မွေးခဲ့တဲ့ မှတ်တမ်း အိမ်ထောင်စုစာရင်းကနေ သံဃာတွေကို ထုတ်ပစ်ခဲ့တယ်၊ သံဃာတွေမှာ Birth Certificate မရှိပါဘူး၊ ဘုန်းကြီးတပါး နိုင်ငံသား ဖြစ်ကြောင်း ပြစရာ စာရွက်စာတမ်း မရှိတာဟာ စစ်အာဏာရှင်စနစ်ကြောင့် ဖြစ်တယ်။ နိုင်ငံသားဖြစ်ကြောင်း တရားဥပဒေအရ ပြသနိုင်ဖို့ တရားဝင် မွေးစာရင်း သံဃာများမှာ ရှိရမယ်၊ သာသနာ့ဘောင်သို့ ရောက်လာရင်လည်း ဘယ်နေ့ဘယ်ရက်က ရဟန်းဖြစ်ခဲ့တယ် ဆိုတာ ရဟန်းခံရက်ချုပ် ရှိရမယ်၊ သာသနာဝင်မှတ်တမ်း ထုတ်ပေးရာမှာလည်း သက်ဆိုင်ရာ ဆရာတော်များကသာ လုပ်ပေးပိုင်ခွင့် ရှိရမယ်၊ လက်ရှိ အနေအထားက သာသနာရေးဝန်ကြီးဋ္ဌာနက စစ်ဗိုလ် နဲ့ ‘လ၀က’ က အရာရှိများက သူတို့သဘောအတိုင်း သာသနာဝင် မှတ်တမ်းတွေကို ထိန်းချုပ်နေတာပါ။

ဗိုလ်ချုပ်ကြီး စောမောင် လက်ထက်မှာ သံဃအဖွဲ့တွေ ဖျက်သိမ်းခံရ

ဗိုလ်ချုပ်မှူးကြီးစောမောင် လက်ထက် ၁၉၉၀ အောက်တိုဘာ မှာ သံဃသာမဂ္ဂီအဖွဲ့၊ ရဟန်းပျိုအဖွဲ့၊ ကျောင်းထိုင် ဆရာတော်များ သံဃသမဂ္ဂအဖွဲ့များကို တရားမ၀င် အဖွဲ့များအဖြစ် ကြေညာတယ်၊ သံဃာတော်များကို ဖမ်းဆီး၊ နှိပ်စက် ထောင်ချခဲ့တယ်၊ မန္တလေး သံဃသာမဂ္ဂီ ဥက္ကဋ္ဌ၊ မန္တလေး လေးပြင်လေးရပ်နဲ့ အိမ်တော်ရာစစ်ကြောင်း ဦးဆောင်ခဲ့တဲ့ ဆရာတော် ဦးရေ၀တဟာ စစ်အစိုးရ အကျဉ်းထောင်မှာ စစ်ထောက်လှမ်းရေးက နှိပ်စက်တာတွေ ခံခဲ့ရတယ်၊ ထောင်ထဲမှာ လူမဆန်စွာ ရိုက်နှက်တာ ခံလိုက်ရတဲ့ ဆရာတော်ဟာ ဆိုးဝါးတဲ့ ရောဂါတွေရခဲ့တယ်၊ ထောင်ထဲ ပျံလွန်တော်မူရင် အစိုးရ နာမည်ပျက်မယ် ဆိုတာ သိတဲ့အတွက် ဆရာတော်ကို လွှတ်ပေးခဲ့တယ်။ ထောင်ကထွက်လို့ မကြာခင်မှာပဲ ဆရာတော် ပျံလွန်တော်မူခဲ့ရပါတယ်။

ဆရာတော်ဟာ စစ်အစိုးရရဲ့ ချုပ်ကိုင်ချယ်လှယ်မှုကို ဆန့်ကျင်ရာမှာ ဦးဆောင်ခဲ့သူ ဖြစ်ပါတယ်။ ရန်ကုန်မြို့ ကမ္ဘာအေးကုန်းမြေမှာ ပထမအကြိမ် ဂိုဏ်း ပေါင်းစုံ သံဃအစည်းအဝေးပွဲ တက်ဖို့ စစ်အစိုးရက တပြည်လုံးရဲ့ သံဃကိုယ်စားလှယ်တွေကို စိတ်တိုင်းကျ ရွေးခဲ့တယ်။ အစည်းဝေးရဲ့ ကောင်းကျိုး ဆိုးကျိုး ဘာမှ မသိဘဲ ကမ္ဘာအေးမှာ သာဓုသုံးကြိမ်ခေါ်ရုံသာ သွားလုပ်ရမှာဖြစ်လို့ မန္တလေးတိုင်း ကိုယ်စားလှယ်အဖြစ် စစ်အစိုးရ ရွေးထားတဲ့ သံဃာ ရန်ကုန် သွားရေးကို ဆရာတော် ဦးရေ၀တက လက်မခံပါဘူး၊ သံဃာများရဲ့ ဆန္ဒနဲ့အညီ သံဃာတွေကပဲ ရွေးကောက် တင်မြှောက်တဲ့ သံဃကိုယ်စားလှယ်မျိုးသာ ဖြစ်သင့်ကြောင်း၊ သံဃကိုယ်စားလှယ် ရွေးချယ်ရာမှာ စစ်အာဏာရှင်များ စွက်ဖက်ခွင့် မရှိကြောင်း မဟာမုနိဘုရားကြီးမှာ လေးပြင်လေးရပ်က မန္တလေးသံဃာထုကြီးကို စုပြီး သံဃဆန္ဒ ထုတ်ဖော်ပြသခဲ့တယ်။

ဒါပေမယ့် ဆရာတော်ကို ထောင်ချထားခဲ့ပြီး “နိုင်ငံတော် သံဃ မဟာနာယက အဖွဲ့ကြီးကို” စစ်အစိုးရက အလိုကျ လုပ်ကြမယ့် သံဃာတချို့နဲ့ ဖွဲ့စည်းသွားခဲ့တာပါ။

၁၉၈၈၊ စက်တင်ဘာ(၁၈)နေ့ ဗိုလ်ချုပ်မှူးကြီး စောမောင်က စစ်အာဏာသိမ်းပြီး နောက်ပိုင်းမှာ နိုင်ငံတော် သံဃ မဟာ နာယက အဖွဲ့ကြီး အနေနဲ့ သာသနာတော်နဲ့ သံဃာများရဲ့ အသက်သွေးများကို အလေးမထားဘဲ စစ်အစိုးရက အာဏာနဲ့ စေခိုင်းမှုကို တသွေမသိမ်း လုပ်ရတဲ့ အခြေအနေကို ရောက်ခဲ့ရတယ်။ သံဃမဟာနာယက ဆရာတော်ကြီးဟာ ပင်ကိုက ရိုးသားတယ်၊ ဒါပေမယ့် စစ်အစိုးရက ဆရာတော်ကြီးတွေကို လာဘ်ပေးလာဘ်ယူဖို့ သင်ပေးခဲ့တယ်၊ စစ်ကိုင်းတိုင်း ကောလင်းမြို့က ကျောင်းပိုင်ဆိုင်မှု ကိစ္စမှာ သံဃနာယက လာဘ်စားတာကို မင်းကွန်း တိပိဋက ဆရာတော်ကြီးက သိသွားတဲ့ အခါ ဆရာတော်ကြီးက ဒါလား သံဃနာယက၊ ဘုန်းကြီးလုပ်ပြီး လာဘ်စားကြသလား၊ သာသနာမှာ ကောင်းသေးလား လို့ ပြောလိုက်တဲ့ တိပိဋက ဆရာတော်ကြီး စကားဟာ သံဃာတွေကြားထဲ ချက်ချင်း ရောက်လာခဲ့တယ်၊ စစ်အစိုးရ အနေနဲ့ သီလ၊ သမာဓိ ပြည့်စုံတဲ့ ဆရာတော်များကို သီလတွေ ပျက်စီးအောင် လာဘ်လာဘပစ္စည်း ရုပ်ဝတ္ထု မျိုးစုံပြ၊ မက်လုံးတွေ ပေးပြီး စစ်အာဏာ မြဲရေးအတွက် သံဃာတွေ မညီညွတ်၊ ကွဲပြားကြအောင် (သံဃဘေဒက) လုပ်ခဲ့တယ်။

ဘုန်းကြီးလူထွက် အံ့မောင် သာသနာတော်နှင့် သံဃာအပေါ် သစ္စာဖောက်မှု

သာသနာတော်ကို သစ္စာဖောက်တဲ့ ဘုန်းကြီးလူထွက် အံ့မောင်က ဘုန်းကြီးတွေရဲ့ အားနည်းချက်ကို ဗိုလ်ချုပ်မှူးကြီး တင်ပြကာ သာသနာတော်ကို စနစ်တကျ ဖျက်ဆီးလာခဲ့တာပါ၊ လက်ရှိလည်း သာသနာရေး ၀န်ကြီးဌာနမှာ ဘုန်းကြီး လူထွက်က ၆၅% ရှိတယ်။

သူတို့ဟာ သာသနာနဲ့ သံဃာအပေါ် သစ္စာရှိလား ဆိုတာ သူတို့ သမိုင်း မကြာခင်တွေ့ရမှာပါ၊ ဘုန်းကြီး လူထွက်များ အနေနဲ့ သာသနာရေးဝန်ကြီးဋ္ဌာနမှာ အခြေအနေအရ စစ်အစိုးရ၀န်ထမ်း လုပ်ရင်း စစ်အာဏာရှင်က သံဃာများအပေါ် စော်ကားခဲ့တဲ့ စစ်အစိုးရ ရာဇ၀တ်မှုများကို ကိုယ်တွေ့ဖြစ်ရပ်မှန် ဖော်ပြနိုင်တဲ့ အချိန်ဆိုတာ ရှိလာ မှာပါ၊

ဗိုလ်မှူး အောင်လင်းထွဋ်က စစ်တပ်က မတရားလုပ်ခဲ့တဲ့ ရာဇ၀တ်မှုတွေကို ဖော်ထုတ်နေသလို ဘုန်းကြီးလူထွက်များကလည်း သာသနာရေးဝန်ကြီး ၀န်ကြီးက သာသနာကို ဘယ်လို ဖျက်ဆီးခဲ့တယ် ဆိုတာ ရေးသား ဖော်ထုတ်ရန် လိုနေပါပြီ။

(မှတ်ချက် - မကြာခင် ရက်ပိုင်းအတွင်း ဖော်ပြမယ့် အပိုင်း ၂ မှာတော့ ဆရာတော်က

၂၀၁၀ ရွေးကောက်ပွဲလွန်ရင် ဗုဒ္ဓသာသနာ အလွန်ဝမ်းနည်းစရာ

လွတ်လပ်စွာ ကိုးကွယ်ယုံကြည်ခွင့်နှင့် ဟောပြောခွင့်

သာသနာ့ဝန်ထမ်းများအပေါ် တရားစီရင်ရေး

ကမ္ဘာအေး သံဃခုံရုံးက ဗိုလ်ချုပ်ဆရာတော်များရဲ့ အဆုံးဖြတ်

ဆိုတဲ့ ခေါင်းစဉ်တွေနဲ့ ရေးသားထားပါတယ်။)