တတိယအကြိမ် သပိတ်ကံဆောင်တာ အောင်မြင်တယ်လို့ သံဃာ့ တပ်ပေါင်းစုက မိန့်ကြား

2009-10-05 RFA
သီတင်းက္ဆွတ်လပြည့်နေ့က ပြည်တွင်းပြည်ပ သံဃာတော်များ စစ်အစိုးရကို သပိတ်ကံဆောင်ခဲ့တာ အောင်မြင်တယ်လို့ သံဃာ့ တပ်ပေါင်းစုက RFA ကို ပြောပါတယ်။ စစ်အစိုးရအာဏာပိုင်တွေဟာ သံဃာတော်တွေကို စော်ကားခဲ့တဲ့ အပြင် သာသနာတော်ကို ပါ ညှိုးနွမ်းအောင် ဆောင်ရွက်ခဲ့တာကြောင့် အခုတတိယအကြိမ်မြောက် ပတ္တနိကုဇ္ဇန ကံဆောင်တာ အောင်မြင်ခဲ့တယ်လို့ သံဃာ့တပ်ပေါင်းစုက မိန့်ကြားပါတယ်။
သံဃာ့ တပ်ပေါင်းစုအဖွဲ့ဝင် ဆရာတော်တပါးက ခုလိုမိန့်ကြားပါတယ်။

ဆရာတော်။ ။ 'ရခိုင်ပြည်နယ်၊ စစ်တွေတို့၊ တောင်ကုတ်တို့၊ မောင်းတောတို့မှာ ရှိတဲ့ ကျောင်းတိုက် သုံးကျောင်းမှာ သံဃာတွေ ကံဆောင်ကြတယ်။ နောက် ဒီမနက်မှာရတဲ့ သံဃာတွေကနေ ပေးပို့တဲ့သတင်းအရ ဆိုလို့ရှိရင် လှိုင်သာယာမှာ ကျောင်းတိုက် သုံးကျောင်းမှာ သံဃာ ၁၂ ပါးစီ၊ နောက်ပြီးတော့ ထန်းတပင်မှာ တကျောင်း၊ အဲဒါလည်း ၉ ပါး။ မရမ်းကုန်း သုံးကျောင်းမှာလည်း သံဃာ ၁၁ ပါးစီ။ နောက် အင်းစိန် ငါးကျောင်းမှာလည်းပဲ ၁၃ ပါးစီနဲ့ ကံဆောင်သွားတယ်လို့ ဦးဇင်းတို့ သိရတယ်။ နောက်တချက်က အထက်မြန်မာပြည်မှာလည်းပဲ မနေ့က ကြေညာသွားတာကတော့ မန္ဈလေးစတဲ့ ကိုးမြို့မှာ သံဃာ ၉ဝ ကျော်နဲ့ ကံဆောင်သွားတယ် ဆိုပြီးတော့ ဦးဇင်းတို့ အဲလိုမျိုး သိရတယ်။'

ခုလိုမြန်မာပြည်တွင်းမှာ သပိတ်မှောက် ကံဆောင်နိုင်ခဲ့သလို ထိုင်းနိုင်ငံ အန္ဒိယ သိရိလင်္ကာစတဲ့ နိုင်ငံတွေမှာ သီတင်းသုံးနေတဲ့ သံဃာတော်တွေကလည်း စစ်အစိုးရကို သပိတ်မှောက် ကံဆောင်ခဲ့တာ ဖြစ်ပါတယ်။ ရန်ကုန်နဲ့တကွ မန္တလေးစတဲ့ မြို့တွေမှာ ဘုန်းကြီးကျောင်းတချို့နဲ့ သိမ်တချို့မှာ အရပ်ဝတ်နဲ့ရော ယူနီဖောင်းဝတ်တွေနဲ့ပါ အာဏာပိုင်တွေ ရှိနေတဲ့အပြင် သံဃာထုကြားမှာလည်း ကြံ့ခိုင်ဖွံဖြိုးရေးအဖွဲ့ဝင်တချို့ သင်္ဃန်းဝတ်ပြီး ရောပါ နေတာတွေ ရှိတာကြောင့် သပိတ်ကံဆောင်တဲ့ သံဃာတော်တွေဟာ ခက်ခက်ခဲခဲ ဆောင်ရွက်ခဲ့ရတာ ဖြစ်သလို တချို့ ဒေသတွေမှာ သပိတ်မှောက် ကံဆောင်တာကို မလုပ်နိုင်ခဲ့ဘူးလို့ သိရပါတယ်။

ဆရာတော်။ ။ 'အဲ ပြောချင်တာကတော့ ဦးဇင်းတို့က ဒီကံက ကိုးပါးတည်းနဲ့ ကံမြောက်တယ်။ ဒါပေမဲ့ အခု အပါး ၁ဝဝ ကျော် ၂ဝဝ လောက်က ကံဆောင်ကြတယ်ဆိုတော့ တော်တော်ကို အောင်မြင်တယ်လို့ ပြောလို့ ရပါတယ်။'

သံဃာ့ တပ်ပေါင်းစုက ဆရာတော်တပါး မိန့်ကြားသွားတာပါ။ သံဃာတော်တွေ အနေနဲ့ သပိတ်မှောက် ကံဆောင်တဲ့ပွဲများကို ၁၉၉ဝ ခုက မန္တလေးက သံဃာတော်တွေ နှိပ်စက်ညှဉ်းပန်းခံရစဉ်က ဆရာတော်ကြီးများကိုယ်တိုင် ဦးဆောင်ပြီး တကြိမ်၊ ၂ဝဝ၇ စက်တင်ဘာလက ပခုက္ကူသံဃာတော်တွေ မေတ္တာပိွု့ွ့ကချီတာကို အာဏာပိုင်တွေက အကြမ်းဖက် နှိမ်နှင်းခဲ့တုန်းက တကြိမ်နဲ့ အခုလက်ရှိ သံဃာတော်တွေနဲ့ သီလရှင် ၂၄ဝ ကျော်ကို ဖမ်းဆီးနှိပ်စက်ပြီး ပြန်လွှတ်မပေးသေးတဲ့အတွက် တကြိမ် စုစုပေါင်း သုံးကြိမ် ကံဆောင်ခဲ့တာပါ။

သံဃာ့ တပ်ပေါင်းစုက အရှင် ဣဿရိယကို ဦးတင်အောင်ခိုင်က ဆက်သွယ်လျှောက်ထား မေးမြန်းထားပါတယ်။