ဓမ္မစကား
မြတ်စွာဘုရားရှင်၏စကားတွေတွေကိုနားလည်ဖို့
မိမိတို့ရဲ့လေ့လာမှုစွမ်းအားတွေမြှင့်တင်ပေးဖို့ လိုပါသည်။ မြတ်စွာဘုရားရှင်၏၀ါဒသည်
ဝိဘဇ္ဇ၀ါဒဖြစ်သည်။ ၀ိဘဇ္ဇ၀ါဒဆိုသည်မှာ ဘယ်အရာမှားသည်၊ ဘယ်အရာမှန်သည် အကြောင်း အကျိုးစီစစ်
ဝေဘန်ပိုင်းခြား ခွဲခြမ်းစိပ်ဖြာခြင်းကို ဆိုလိုပါသည်။
မြတ်စွာဘုရားရှင်သည် ၄၅၀ါပတ်လုံး မနေမနားဟောဖော်ညွှန်ပြခဲ့သော
တရားတော်များမှာ ဓမ္မက္ခန္ဓာအားဖြင့် ၈၄၀၀၀၊ ပိဋကတ်အားဖြင့် သုံးပုံကျန်ခဲ့ပါသည်။ မြောက်များလှစွာသော
တရားတော်များထဲမှ သဒ္ဓါဆိုတဲ့ အရေးအကြီးဆုံးစကားလုံးတစ်လုံးကို လေ့လာဆွေးနွေးတင်ပြပါမည်။
မြန်မာနိုင်ငံသားအများစုနားလည်သဘောပေါက်နေကြသည်မှာ
ပေးကမ်းလှူဒါန်းသူကို သဒ္ဓါတရား ကောင်းသူဟု သဘောပေါက်နေကြပါသည်။ သဒ္ဓါရဲ့အဓိပ္ပါယ်မှာ
ယုံကြည်မှုဖြစ်ပါသည်။ ဘုရား၊တရား၊ သံဃာ ရတနာသုံးပါးအပေါ်မှာ ယုံကြည်မှု၊ ကံကံ၏အကျိုးကိုယုံကြည်မှု
မိမိကိုယ်ကိုယုံကြည်မှုဖြစ်ပါသည်။
ယုံကြည်မှုဆိုသည်မှာ လေ့ကျင့်ပေးဖို့လိုပါသည်။
ရတနာသုံးပါးအပေါ်မှာ ယုံကြည်မှုရှိတဲ့သူသည် ရတနာသုံးပါးရဲ့ ဆိုဆုံးမလမ်းညွှန်ပြသမှုတွေကိုသိအောင်ကြိုးစားခြင်း၊
ကျင့်သုံးခြင်းကိုဆိုလိုပါသည်။ မိမိကိုယ်ကို ပြန်လည်စမ်းသပ်ဝေဖန်ဖို့ ရတနာသုံးပါးက
ညွှန်ပြပေးသောအရာများကို ဘယ်လောက် လေ့လာကျင့်သုံးပြီးပြီလဲ၊ မိမိအတွက် ဘာတွေရပြီလဲ၊
သေသေချာချာဆန်းစစ်ပါ။ ဝေဘန်ပါ။ မိရိုးဖလာ ဗုဒ္ဓဘာသာလောက်နဲ့ ကျေနပ်မနေကြပါနဲ့။ အဖေအမေက
ကန်တော့ပါဆိုလို့ ကန်တော့တာလား ကိုယ်ကို တိုင်က သေချာလက်တွေ့ကျင့်သုံးကြည့်လို့ အကျိုးရှိတာတွေတွေ့ရှိလို့
လေးစားပြီးကန်တော့တာလား။ မိမိကိုယ်ကိုသေသေချာချာဝေဘန်ဆန်းစစ်ပါ။ ကံကံ၏အကျိုးတရားအပေါ်မှာ
ယုံကြည်မှု၊ ကံဆိုတာ ကမ္မ= အလုပ်ဆိုတဲ့ပုဒ်ကဆင်းသက်လာခြင်းဖြစ်ပါသည်။ ကောင်းတာလုပ်ရင်
ကောင်းတဲ့အကျိုးတွေ ခံစားရမယ်။ မကောင်းတာလုပ်ရင် မကောင်းတဲ့အကျိုးကို ခံစားရမယ်လို့
ယုံကြည်ပြီးတော့ မကောင်းတာတွေ မမှန်တာ တွေမလုပ်ဘဲနဲ့ ကောင်းတာတွေကိုယုံယုံကြည်ကြည်နဲ့
ကိုယ်တိုင်ဆုံးဖြတ်ပြီးရွေးချယ်လက်ခံတာကို ဆိုလိုခြင်းဖြစ်ပါသည်။ အဖေအမေကပြောလို့ ဆရာတွေကပြောလို့
လူကြီးတွေ အာဏာရှိတဲ့သူတွေက ပြောလို့လက်ခံတာမျိုးမဟုတ်ပဲ မိမိကိုယ်တိုင် စဉ်းစားပြီးဝေဘန်ပြီး
ယုံယုံကြည်ကြည်နဲ့ ကျင့်သုံး လိုက်နာ ခြင်းကို ဆိုလိုပါသည်။
မိမိကိုယ်ကိုယုံကြည်မှုဖြစ်ပါသည်။ ရတနာသုံးပါးက
မိမိကိုယ်ကိုကောင်းစွာယုံကြည်ဖို့ အမြဲသင်ပြ ပေးပါသည်။ ကိုယ့်ကိုယ်ကို ယုံကြည်မှုမရှိရင်
ဘာမှလုပ်လို့မရပါဘူး။ ဘာမှအောင်မြင်မျာလဲမဟုတ်ပါဘူး။ ဒါကြောင့် ကိုယ့်ယုံကြည်မှုကို
အမြဲတမ်း လေ့ကျင့်တည်ဆောက်မြှင့်တင်ပါ။ ကိုယ့်ရဲ့ယုံကြည်မှုစွမ်းအား မြင့်လေ ကိုယ့်ရဲ့အောင်မြင်မှုစွမ်းအား
မြင့်မားလေဖြစ်လာပါမည်။ မြတ်စွာဘုရားရှင်သည် “ငါသည် ဘုရားဖြစ်အောင် လေးသင်္ချေနဲ့ ကမ္ဘာတစ်သိန်း
ပါရမီဖြည့်ကာ အပင်ပန်းခံ၊ ဆန်းရဲခံကျင့်သုံးနိုင်သည်”လို့ မိမိကိုယ်ကိုယ် ယုံကြည်မှုအပြည့်နဲ့
ကြိုးစားတည်ဆောက်ခဲ့လို့ လောကရဲ့အနှိုင်းမဲ့ကျေးဇူးရှင် မြတ်စွာဘုရားအဖြစ်ကို ရခဲ့ခြင်းဖြစ်ပါသည်။
ယုံကြည်မှုအမြင့်မားဆုံးအဆင့်အတန်းအမြင့်ဆုံး ဗုဒ္ဓကို ကိုးကွယ်ဆည်းကပ်ခွင့်ရနေ ကြတဲ့
ဗုဒ္ဓရဲ့တပည့်တွေဖြစ်ပြီး ယုံကြည်မှုတွေ အဆင့်အတန်းတွေနိမ့်နေတာဟာ လုံးဝကောင်းတဲ့ လက္ခဏာ
မဟုတ်ပါဘူး။ ကမ္ဘာမှာ လူ(၂)မျိုးပဲရှိပါသည်။ မိမိကိုယ်ကို ယုံကြည်မှုရှိတဲ့သူနဲ့ မိမိကိုယ်ကို
ယုံကြည်မှု မရှိတဲ့သူပဲဖြစ်ပါသည်။ မိမိကိုယ်ကို ယုံကြည်မှုအပြည့်နဲ့ ကြိုးစားအားထုတ်နေတဲ့သူတွေကို
တနေ့တခြား အောင်မြင်ကျော်ကြားလာတာကို တွေ့ရပြီး မိမိကိုယ်ကို ယုံကြည်မှုမရှိတဲ့သူတွေကိုတော့
တနေ့တခြား ဆုတ်ယုတ်နိမ့်ကျလာတာကိုတွေ့ရမှာဖြစ်ပါသည်။ ဒါကြောင့် မြတ်စွာဘုရားရှင်ဟောကြားခဲ့တဲ့
သဒ္ဓါ တရားကိုသေချာနားလည်သဘောပေါက်အောင် ကြိုးစားလေ့ကျင့်ကာ ယုံကြည်မှုများ ခိုင်မြဲလာမည်ဆိုလျှင်
သင့်ကို တစ်နေ့နေ့ တစ်ချိန်ချိန်မှာ အောင်မြင်ကျော်ကြားသူအဖြစ် တွေ့မြင်ရမည်ဖြစ်ပါကြောင်းကို
ဓမ္မစကား လက်ဆောင်ပါးရင်း . . . .
မင်းသုည(ဗုဒ္ဓတက္ကသိုလ်)
0 comments:
Post a Comment