အကြောင်းအရာ.... ရွှေညဝါဆရာတော်အား အရေးယူဆောင်ရွက်ရန်ကိစ္စ
ရန်ကုန်တိုင်းဒေသကြီး
ကြည့်မြင့်တိုင် မြို့နယ် သာဓုကျောင်းတိုက်မှ ရွှေညဝါဆရာတော် ဦးပညာသီဟ၏
မန္တလေးတိုင်း ဒေသကြီး အမျိုးသားဒီမိုကရေစီအဖွဲ့ချုပ်ရုံး၌
တရားဟောကြားခြင်းကိစ္စ တင်ပြလာခြင်းနှင့် စပ်လျဉ်း၍ ၂၈ရက် ၁၁လ ၂၀၁၁ခုနှစ်၌
ကျင်းပသော ဆဋ္ဌမအကြိမ် နိုင်ငံတော် သံဃမဟာနာယကအဖွဲ့ (၄၇)ပါးစုံညီအစည်းအဝေးက
ဖော်ပြလတ္တံပါအတိုင်း ဆုံးဖြတ်ခဲ့ပါသည်..။
ရွှေညဝါဆရာတော် ဦးပညာသီဟ၏ မန္တလေးတိုင်း ဒေသကြီး အမျိုးသားဒီမိုကရေစီအဖွဲ့ချုပ်ရုံး၌ တရားဟောကြားခြင်းကိစ္စနှင့် စပ်လျဉ်း၍
(က) ရွှေညဝါဆရာတော် ဦးပညာသီဟအား နိုင်ငံတော် သံဃမဟာနာယကအဖွဲ့ပိုင် ကြည့်မြင်တိုင်မြို့နယ် သာဓုကျောင်းတိုက်မှ ဖယ်ရှားရန်..။
(ခ) သံဃအဖွဲ့အစည်း အဆင့်ဆင့်၏ ဆုံးဖြတ်သည်ကို မနာခံ၍ ဒုဗ္ဗစ ပုဂ္ဂိုလ်အဖြစ် သတ်မှတ်ရန်။
(ဂ) နိုင်ငံတော် သံဃမဟာနာယအဖွဲ့၏ မည်သည့်ပုဂ္ဂိုလ်မှ သာဓုကျောင်းတိုက်အတွင်း မည်သည့်သင်တန်းမျှ ဖွင့်လှစ် ဆောင်ရွက်ခြင်းမပြုရန်။
သို့ဖြစ်ပါ၍ အထက်ပါ အပိုဒ်(၁)ပါ
နိုင်ငံတော် သံဃမဟာနာယကအဖွဲ့ (၄၇)ပါးစုံညီ အစည်းအဝေး ဆုံးဖြတ်ချက်နှင့်အညီ
အကောင်အထည် ဖော်ဆောင်ရွက်ရေး ရန်ကုန်တိုင်း ဒေသကြီး သာသနာရားသို့
ဆက်လက်ညွှန်ကြား ဆောင်ရွက်သွားပါရန်နှင့် ဆောင်ရွက်ပြီးစီးမှု အခြေအနေကို
ပြန်လည်တင်ပြရန် အကြောင်းကြား လျှောက်ထားအပ်ပါသည်..။
ဘဒ္ဒန္တဝါယမ
အဂ္ဂမဟာပဏ္ဍိတ
တွဲဖက်အကျိုးတော်ဆောင် ဆရာတော်
စာမှိန်နေတဲ့ အတွက် ပြန်လည်
ရေးသားဖော်ပြလိုက်ပါတယ်...။ အမျိုးဘာသာ သာသနာအတွက် စွမ်းစွမ်းတမံ
ဆောင်ရွက်နေတဲ့ ရွှေညဝါဆရာတော်ကြီးအား ယင်းကဲ့သို့ မတရားဖိနှိပ်မှုအား
ဝန်းရံပေးကြပါရန် တိုက်တွန်းနှိုးဆော်အပ်ပါတယ်..။
ဒုဗ္ဗစ ပုဂ္ဂိုလ်ဆိုတာ
(ဆိုဆုံးမရခက်သော ပုဂ္ဂိုလ်) ဖြစ်ကြောင်း ဒီပဲယင်း အရေးအခင်းအပြီးမှာ
အာဏာပိုင်များအား ရည်ညွှန်းပြီး သီတဂူဆရာတော်ကြီး ဟောကြားတော်မူတာ
နာယူဘူးပါတယ်..။ ဒီအတိုင်းဆို ရွှေဝါရောင်တော်လှန်ရေးကြီး အတွင်း
သံဃာတော်များအား ရက်ရက်စက်စက် နှိမ်နှင်းခဲ့တဲ့ အာဏာရှင် စစ်အုပ်စုကို
အဘယ်ကြောင့် ဒုဗ္ဗစ ပုဂ္ဂိုလ် (ဆိုဆုံးမရခက်သော ပုဂ္ဂိုလ်)များအဖြစ် မသတ်မှတ်၊
မရှောင်ကျဉ်ခဲ့ကြပါသလဲဆိုတာ ဖြေရှင်းပေးကြပါလို့ ယခုကိစ္စမှာ
ဆုံးဖြတ်ချက်ချခဲ့ကြတဲ့ သံဃာတော် အရှင်သူမြတ်များဘုရား..။
0 comments:
Post a Comment