မြန်မာရဟန်းတော်များနှင့် နိုင်ငံရေး

မြန်မာနိုင်ငံတော်သမိုင်းမှာ နိုင်ငံရေးအကြောင်းကို ပြောလျှင် ဆရာတော် ဦးဥတ္တမအ
ကြောင်းကို ချန်လှပ်၍ပြောမည်ဆိုက မပြည့်စုံနိုင်ပေ။ ဆရာတော်သည် နိုင်ငံခြားသို့
ပညာတော်သင်သွားရောက်ကာ ဘာသာဗေဒပညာရပ်များ၊ ကမ္ဘာ့ဗဟုသုတ အမြင်များ
ကို သေချာကျနစွာ လေ့လာလိုက်စားခဲ့ပါသည်။ အကြားအမြင်ဗဟုသုတများပြည့်စုံလာ
သည့်အခါ မြန်မာနိုင်ငံကြီးကို အင်္ဂလိပ်နယ်ချဲ့တွေရဲ့ လက်အောက်က လွတ်မြောက်ရမယ်
ဆိုတဲ့ ရည်ရွယ်ချက်နှင့် မြန်မာနိုင်ငံကို ပြန်လာကာ နိုင်ငံရေးတရားများကို စတင်ဟောပါ
တယ်။ အင်္ဂလိပ်အစိုးရကို မြန်မာပြည်ကနေ ရဲရင့်ပြတ်သားစွာ မောင်းထုတ်ခဲ့ပါတယ်။ တစ်
တိုင်းပြည်လုံးက အင်္ဂလိပ်အစိုးရကို မော်တောင်မကြည့်ရဲဖြစ်နေတဲ့အချိန်မှာ ဆရာတော်
က ဘုရင်ခံကရက်ဒေါက် မြန်မာပြည်က ထွက်သွားဆိုတဲ့ ရဲရင့်ပြတ်သားတဲ့ ကြွေးကြော်
သံဟာ တစ်တိုင်းပြည်လုံးကို ညံသွားခဲ့ပါတယ်။ တစ်တိုင်းပြည်လုံးမှာ ကြောက်စိတ်တွေ
လွှမ်းပြီး အမှောင်ဖုံးနေချိန်မှာ ဆရာတော်ရဲ့ ရဲရင့်ပြတ်သားစွာ မကြောက်မရွံ့ မောင်းထုတ်
လိုက်တဲ့အတွက် မြန်မာတစ်နိုင်ငံလုံး အမှောင်ကျနေရာမှ ဆရာတော်ထွန်းပြလိုက်တဲ့အ
လင်းတန်းကြီးကြောင့် တစ်နိုင်ငံလုံး သူ့ကျွန်မခံတွန်းလှန်ကြမယ်ဟေ့လို့ အားလုံးဆုံးဖြတ်ချက်
ချပါဝင်လာခဲ့ပါတယ်။ ဆရာတော်သည် မိမိဘ၀ကို ထောင်ချခံ၊ ဆင်းရဲပင်ပန်းခံကာ တစ်
မျိုးသားလုံးကို ကျွန်စိတ်ဓါတ်ကနေ သခင်စိတ်ဓါတ်ပြန်လည်သွင်းပေးလိုက်ခြင်းဖြစ်ပါတယ်။


ဆရာတော်ပြုစုပျိုးထောင်ပေးမှုကြောင့် သာသနာ့တော်မှာ ဆရာတော်ဦးဝိစာရတို့လို
သာသနာ့အာဇာနည်တွေ ပေါ်ထွန်းလာခဲ့ပါတယ်။ လူုပုဂ္ဂိုလ်တွေထဲမှာလည်း မျိုးဆက်သစ်
ကျောင်းသားအာဇာနည်တွေ၊ ပြည်သူ့အာဇာနည်တွေ ဆက်တိုက် ပေါ်ထွန်းလာခဲ့ပါတယ်။
ဆရာတော်မွေးဖွားပေးခဲ့တဲ့အရှိန်ဟာ တစ်တိုင်ပြည်လုံး လွတ်လပ်ရေးရသည်အထိ အ
ကျိုးများစွာရှိခဲ့သလို၊ ယနေ့အထိလည်း အကျိုးများစွာ ရှိနေဆဲဖြစ်ပါတယ်။ သံဃာတော်
တွေသည် အင်္ဂလိပ်နယ်ချဲ့အစိုးရကို တွန်းလှန်တဲ့နေရာမှာလည်း ရှေ့တန်းက ပါဝင်ခဲ့သ
လို မြန်မာစစ်အာဏာရှင်ကို တွန်းလှန်ရာမှာလည်း ရှေ့တန်းက ပါဝင်ခဲ့ပါတယ်။ ၈ လေး
လုံးအရေးအခင်းမှာ သံဃာတော်အများအပြား သွေးမြေကျခံခဲ့ရ၊ ဖမ်းဆီးခံခဲ့ရ၊ နှိပ်စက်ခံခဲ့
ရတာကို အားလုံးအသိပဲဖြစ်ပါတယ်။ ၁၉၉၀ ပြည့် ပထမအကြိမ် ပတ္တနိက္ကုဇ္ဇနကံဆောင်
ကာ နအဖစစ်ဗိုလ်တွေကို သပိတ်မှောက် တိုက်ပွဲဝင်စဉ်မှာလည်း သံဃာတော်တွေရဲ့သွေး
တွေ မြေခခဲ့ကြရပါတယ်။ နအဖ စစ်အာဏာရှင်ကြီးများဟာလည်း သူတို့ကို တော်လှန်သူ
မည်သူ့ကိုမဆို တိပိဋ္ဋဓရ ဆရာတော်ကြီးတွေပါ မကျန် ထောင်ချနှိပ်စက်၊ သတ်ဖြတ်၊ ညှင်း
ပန်းခဲ့ကြပါတယ်။ ရဟန်းပျိုသမဂ္ဂအသင်း၊ သံဃာ့သမဂ္ဂီအသင်း၊ စသည့် သံဃာတွေ ညီ
ညွတ်စွာဖွဲ့ထားတဲ့ အဖွဲ့အစည်းအသီးသီးကိုလည်း ဖျက်ဆီးခဲ့ပါတယ်။ သူတို့ ဘယ်လိုပင်
နှိပ်စက်၊ နှိပ်စက်၊ ဘယ်လိုပင်သတ်ဖြက် သတ်ဖြက် ရဟန်းသံဃာတွေကတော့ နည်းနည်း
လေးမှ နောက်ဆုတ်မသွားခဲ့ပါဘူး။ ကိုယ့်နည်းကိုယ့်ဟန်နဲ့ နည်းမျိုးစုံရှာကာ တိုက်ပွဲဆက်
ဝင်နေကြပါတယ်။ သံဃာတော်တွေ နိုင်ငံရေးထဲ မပါဝင်နိုင်အောင် နည်းမျိုးစုံသုံးကာ အကောက်
ကြံဖျက်ဆီးခဲ့ကြပါတယ်။ ချဲ၊ ဘောလုံး၊ လောင်းကစားပွဲများကို ကျောင်းတိုက်တွေထဲမှာ တရားဝင်
ခွင့်ပြုထားခဲ့ပါတယ်။ သူတို့ ဘယ်လိုပင်ဖျက်ဆီးဖျက်ဆီး တကယ့်သာသနာကိုချစ်၊ နိုင်ငံကို
ချစ်တဲ့သာသနာ့အာဇာနည်တွေရဲ့စိတ်ဓါတ်ကိုတော့ဘယ်လိုမှ မဖျက်ဆီးနိုင်ခဲ့ပါဘူး။ ရ
ဟန်းပျိုသမဂ္ဂအသင်း၊ သံဃာသမဂ္ဂီအသင်းများကို လျှို့ဝှက်စွာ ဖွဲ့စည်းခဲ့ကြပါတယ်။ ရန်
ကုန်ရဟန်းပျိုသမဂ္ဂအသင်းကို ဦးဂမ္ဘီရနှင့်တကွ သံဃာတော်များ လျှို့ဝှက်စွာ ဖွဲ့စည်းခဲ့ကြပါ
တယ်။ မန္တလေး သံဃာ့သမဂ္ဂီအသင်းကို စာရေးသူအပါအ၀င် ယခုထောင်ကျနေသော ဦး
ခေမိန္ဒ၊ ရဲဘက်စခန်းမှ ထွက်ပြေးလွတ်မြောက်သွားတဲ့ ဦးပညာသီရိတို့နှင့်တကွ သံဃာ
တော်များပေါင်းစည်း၍ လျှို့ဝှက်စွာ ဖွဲ့စည်းခဲ့ကြပါတယ်။ အခြားပြည်နယ်တိုင်းအသီးသီး
မှာလည်း သံဃာ့အဖွဲ့အစည်းများကို လျှို့ဝှက်စွာ ဖွဲ့စည်းတည်ထောင်ခဲ့ကြပါတယ်။ သံ
ဃာ့အဖွဲ့အစည်းခေါင်းဆောင်များအချင်းချင်း လျှို့ဝှက်စွာ တွေ့ဆုံဆွေးနွေးခဲ့ကြပါတယ်။
နိုင်ငံရေးစာအုပ်စာတမ်းများ၊ နိုင်ငံရေးလှုပ်ရှားမှု CD, VCD , DVD ခွေများကို လျှို့ဝှက်စွာ
ဖြန့်ဝေခဲ့ကြပါတယ်။ ၂၀၀၇ စက်တင်ဘာမှာ ပခုက္ကူမြို့သံဃာတော်များ ငြိမ်းချမ်းစွာ မေတ္တာ
ပို့လမ်းလျှောက်သည်ကို နအဖ စစ်အာဏာရှင်များမှ ကြိုးကွင်းဖြင့်ပစ်ဖမ်းခြင်း၊ ဓါတ်တိုင်မှာ
ကြိုးနှင့်တုတ် သေနတ်ဒင်ဖြင့် ထုခြင်း၊ စစ်ဖိနပ်ဖြင့် ကန်ကြောက်ခြင်းတို့ကြောင့် သံဃာ့အ
ရေးခင်းတစ်ခု ဖြစ်ပွားခဲ့ပါတယ်။ ထိုအရေးခင်းနှင့်ပတ်သတ်၍ သံဃာ့ခေါင်းဆောင်များ
လျှို့ဝှက်စွာ စည်းဝေး ဆွေးနွေးတိုင်ပင်ခဲ့ကြပါတယ်။ စည်းဝေးဆုံးဖြတ်ချက်အရ သံဃာ
တော်များအား နအဖစစ်အစိုးရမှ မိမိမှားယွင်းကြောင်း ပြန်တောင်းပန်၊ မလိုက်နာပါက သ
ပိတ်မှောက်မည်ဆိုသည့်အကြောင်းကို ကြေငြာချက်ရေးသားကာ BBC , VOA , RFA စ
သည့်သတင်းဌာနများမှ ကြေငြာခဲ့ပါတယ်။ ထိုကြေငြာချက်စာရွက်စာတမ်းများကို မန္တလေး
မုံရွာ၊ ရန်ကုန်၊ ပြည်၊ ပဲခူး၊ ရခိုင် စသည့် ပြည်နယ်တိုင်း အသီးသီးသို့ ဖြန့်ဝေလှုပ်ရှားခဲ့ကြပါ
တယ်။ နအဖ စစ်အစိုးရမှ သံဃာတော်များ တောင်းဆိုထားသည့် အချက်ကို မလိုက်နာ
သည့်အတွက် ၁၈ ရက် စက်တင်ဘာ ၂၀၀၇ မှ စတင်ကာ ပတ္တနိက္ကုဇနကမ၀ါစာရွတ်ဆို
ကာ သပိတ်မှောက်ခဲ့ကြပါတယ်။ ဒါပေမယ့် နအဖစစ်အစိုးရသည် မတောင်းပန်သည့်အပြင်
သံဃာတော်များကို စစ်သေနတ်ဖြင့်ပစ်သတ်၊ ၀ါးရင်းတုတ်ဖြင့်ရိုက်၊ စစ်ဖိနပ်ဖြင့် ကန်ကြောက်ခဲ့
ကြပါတယ်။ ကျောင်းတိုက်ပေါင်း ၆၀ ကျော်ကို သူပုန်စခန်းဆီးသလို အတင်းဝင်ရောက်
သတ်ဖြတ် နှိပ်စက်၊ ဖမ်းဆီးခေါ်ဆောင်သွားခဲ့ကြပါတယ်။ နအဖ စစ်အစိုးရသည် နောက်
ထပ်တစ်ကြိမ် သာသနာတော်တစ်ခုလုံးကို စော်ကားလိုက်သည့်အတွက် တတိယအကြိမ်
သပိတ်မှောက်ကံကို ကျူးလွန်လိုက်ပြန်ပါတယ်။ ဒါကြောင့် မြန်မာနိုင်ငံအတွင်း သံဃာ
တော်များနှင့် ပြည်ပနိုင်ငံအသီးသီးရှိ သံဃာတော်များ စည်းဝေးတိုင်ပင်ကာ နအဖ စစ်အ
စိုးရအား တတ်ိယအကြိမ်သပိတ် ဆင်နွှဲရန် အားလုံး သဘောတူညီခဲ့ကြပါတယ်။ ထိုသ
ဘောတူညီ ဆုံးဖြတ်ချက်အရ လာမည့် အောက်တိုဘာ ၃ ရက်နေ့၊ သီတင်းကျွတ်လပြည့်
ပ၀ါရဏာနေ့တွင် နအဖစစ်အစိုးရကို ပတ္တနိက္ကုဇန ကမ၀ါစာရွတ်ဆိုကာ သပိတ်မှောက်ကြ
မည်ဖြစ်ပါတယ်။ သံဃာတော်များ၏ ဦးဆောင်မှုနောက်တွင် တစ်တိုင်းပြည်လုံး လှည်းနေ
လှေအောင်း မြင်းစောင်းမကျန် အမျိုးဘာသာ၊ သာသနာကို အသက်ပေးကာကွယ်ကြမည်
ဆိုလျှင် နအဖစစ်အစိုးရသည် ဒီတစ်ချီမှာ ကျိန်းသေမုချ ကျဆုံးရတော့မည် ဖြစ်ပါကြောင်း
ကို အသိပေးပြောကြားရင်း…………………………။ ။

မင်းသုည( ကွမ်းခြံကုန်း )