ခြင်္သေ့တွေအဆွဲခံထားရတဲ့ကျွဲပေါက်လေးကို သူတို့ရဲ့ကျွဲတွေကအသက်ပေးကာကွယ်တိုက်ထုတ်ကြလို့ အနိုင်ရကြတဲ့ ဗွီဒီယိုဖိုင်လေးဖြစ်ပါတယ်။ စည်လုံးညီညာ အောင်ကြောင်းဖြာ ဆိုတဲ့အတိုင်းညီညွတ်ကြတဲ့ ကျွဲတွေဟာ သူတို့ရဲ့ အဆွဲခံထားရတဲ့ ခြင်္သေ့များရဲ့ လက်တွင်းကကျွဲပေါက်လေးကို အသက်စွန့်ပြီးဝိုင်းတိုက်ကြလို့ ကယ်တင်နိုင်ခဲ့ကြပါတယ်။အမြဲတမ်းအနိုင်ယူနေကြ ခြင်္သေ့တွေဟာ ကျွဲတွေရဲ့ညီညွတ်မှုစွမ်းအားနှင့် သတ္တိရှိမှုတွေကိုမခံနိုင်တဲ့အတွက် ခွေးပြေးဝက်ပြေးပြေးခဲ့ကြရပါတယ်။ဒီနေရာမှာချီးကျူးစရာကောင်းတာဟာ သူတို့ရဲ့ အမျိုးသားရေးစိတ်ဓါတ်နဲ့ ငါတို့ရဲ့မျိုးဆက်သစ်ကျွဲပေါက်လေးကို အသက်ပေးပြီးကာကွယ်ရမယ်ဆိုတဲ့ တာဝန်သိမှုတာဝန်ယူမှုစိတ်ဓါတ် တွေပဲဖြစ်ပါတယ်။တိရစ္ဆာန်ပင်ဖြစ်သော်လည်း ဒီစိတ်ဓါတ်ဟာအင်မတန်မွန်မြတ်တဲ့စိတ်ဓါတ်ပဲဖြစ်ပါတယ်။ဘုရားလောင်းဇာတ်နိပါတ်တွေမှာလည်းတွေ့နိုင်ပါတယ်။ဘုရားအလောင်းတော် ပါရမီဖြည့်ရာ တိရစ္ဆာန်ဘ၀တွေမှာ သူ့အမျိုးတွေအတွက် အမြဲတမ်းရှေ့တမ်းကနေ ရဲရဲရင့်ရင့် ညီညီညွတ်ညွတ် အမျိုးသားရေးစိတ်ဓါတ်အပြည့်နဲ့တိုက်ပွဲဝင်အနိုင်ယူသွားခဲ့တာတွေအများကြီးပဲ၇ှိပါတယ်။ ဒီဗွီဒီယိုဖိုင်လေးကို ခဏခဏပြန်ကြည့်ရင်းတဆက်တည်းစဉ်းစားမိတာက ငါတို့နိုင်ငံသားအများစုကြီးဟာ ဒီလိုအမျိုးသားရေး စိတ်ဓါတ်တွေ တာဝန်သိမှု တာဝန်ယူမှုစိတ်ဓါတ်တွေ ဘယ်ရောက်ကုန်ကြပြီလဲ…ယနေ့စစ်အစိုးရရဲ့ အကျဉ်းထောင်တွေထဲမှာ တိုင်းသူပြည်သားတွေအတွက် အသက်စွန့် ဘ၀စွန့်အနှိပ်စက်ခံနေကြရတဲ့ သံဃာတော်များ သီလရှင်ဆရာလေးများ နှင့် နိုင်ငံရေးအကျဉ်းသား ၂၀၀၀ ကျော် လွတ်မြောက်ဖို့အရေး အားလုံးမှာ တာဝန်၇ှိပါတယ်။ဒီတာဝန်တွေကို လစ်လျူ၇ှု့ကုန်ကြပြီလား…အခုစစ်အစိုးရက တစ်နိုင်ငံလုံးရဲ့အသက်သွေးကြောဖြစ်တဲ့ မိဧရာဝတီမြစ်ကြီးကို တရုတ်လက်ကို ၀ကွက်ထိုးအပ်ရောင်းစားဖျက်ဆီး နေကြပြီ။ ဒါတွေဟာ တစ်နိုင်ငံလုံးရဲ့ အမျိုးသားရေးစိတ်ဓါတ်နဲ့ တာဝန်သိသိသစ္စာရှိရှိ ညီညီညွတ်ညွတ် လက်တွဲကာ လှည်းနေလှေအောင်းမြင်းဇောင်းမကျန် လမ်းပေါ်ထွက်ဆန္ဒပြတိုက်ပွဲဝင်ရမည့်အခြေအနေဖြစ်ပါတယ်။ဒီတာဝန်ကို ကျေကျေပွန်ပွန် ညီညီညွတ်ညွတ်လက်တွဲကာတိုက်ပွဲဝင်ကြမည်ဆိုလျှင် အမည်ပြောင်းထားတဲ့ စစ်အစိုးရအုပ်စုဟာ ခွေးပြေးဝက်ပြေး ထွက်ပြေးကြရမည်မှာ ကျိန်းသေမုချဖြစ်ပါသည်…… တစ်တိုင်းပြည်လုံး စစ်အစိုးရအုပ်စုမှထာဝရလွတ်မြောက်အောင် တိုက်ပွဲဝင်နိုင်ကြပါစေဟုဆန္ဒပြုရင်း… မင်းသုည(ဗုဒ္ဓတက္ကသိုလ်)
Monday, September 5, 2011
Subscribe to:
Post Comments (Atom)
0 comments:
Post a Comment