အရှင်ပညာနန္ဒ
စက်တင်ဘာ ၁၆၊ ၂၀၁၁
ထားဝယ်သံဝဲ၀ဲနဲ
့စကားပြောတတ်တဲ့ ထားဝယ်ဆရာတော် ဦးအဂ္ဂဓမ္မကို၂၀၀၇
ရွှေဝါရောင်တော်လှန်ရေးအပြီး ကာလီဖိုနီးယားပြည်နယ်က မြို့လေးတမြို့ မှာ စတင်
ဆုံဆည်းခဲ့တာပါ။
တွေ့ဆုံခဲ့ရတဲ့အကြောင်းကတော့ ရွှေဝါရောင်တ်ာလှန်ရေးကာလမှာ န၀တစစ်အစိုးရက ရဟန်းသံဃာတော်တွေကို ရက်ရက်စက်စက်ရိုက်နှက်ဖမ်းဆီးထောင် ချခဲ့တာေ တွကြောင့် ရဟန်းသံဃာတော်တွေ သွေးမြေကျခဲ့ရသလို ဘုန်းကြီးကျောင်းအတော်များများလည်း ချိတ်ပိတ်ခံ ခဲ့ရပါတယ်။ ဒီကိစ္စတွေကိုအခြေခံပြီး မစိုးရိမ်ဆရာတော်ကြီးနဲ ပီနန်ဆရာတော်ကြီးတို့နှစ်ပါးဦးဆောင်ပြီး သာသနာ့ဥသျှောင်အပြည်ဆိုင်ရာမြန်မာရဟန်းတော်များအဖွဲ့ ချုပ်ကိုဖွဲ့ ဘို့ ဆွေးနွေး တိုင်ပင်စဉ်က နှစ်ရက် သုံးရက်ခန့် အတူနေခဲ့ရလို့ ပိုပြီးရင်းနှီးခဲ့ပါတယ်။
ဘုန်းမော်အရေးအခင်းဖြစ်ပြီးမကြာမှီ တပည့်တော်တို့ရဟန်းသံဃာတော်တွေ ဒီအတိုင်းထိုင်ကြည့်နေလိုတော့မဖြစ်တော့ဘူး။ တခုခု တော့လုပ်ရတော့မယ် ဆိုတာ စဉ်းစားလာမိတယ်။ ဒါကြောင့် နီးစပ်ရာလုပ်ဖော်ကိုင်ဘက်တွေဖြစ်ကြတဲ့ ဦးခေမာစာရ (တောတွင်းရဟန်း ပျိုသမဂ္ဂဥက္ကဌ)၊ ဦးကောသလ္လ (နတ်မှီး)၊ ဦးနန္ဒ၀ံသ (မေဒိနီ) စတဲ့သံဃာတော်တွေနဲ့ စုဝေးတိုင်ပင်ကြပြီး ရန်ကုန်တိုင်း ရဟန်းပျိုသမဂ္ဂကိုဖွဲ့ စည်းခဲ့တယ်။ တပည့်တော်ကို ဥက္ကဌတာဝန်ပေးလို့ ဥက္ကဌအဖြစ်တာဝန်ယူပြီး မင်းကိုနိုင်၊ ကိုကိုကြီး၊ မိုးသီးဇွန်၊ ကိုဌေးကြွယ်တိုနဲ့အတူ ၈၈ မှာပါဝင်လှုပ်ရှားခဲ့ပါတယ်။
ရန်ကုန်တက္ကသိုလ်၊ တံတားနီ စတဲ့နေရာတော်တော်များများမှာ ဟောပြောခဲ့သလို တဘက်ကလည်း ရပ်ကွက်တွင်း စစ်တပ်ဒလျှိုတွေက မီးရှို့မယ်သတင်းရ လို့ မီးဘေးအန္တရာယ်ကနေကင်းဝေးအောင်နေ့ ည မနားဆောင်ရွက်ခဲ့တယ်။ ပြောမယ်ဆိုရင်တော့ အများကြီးပါဘဲဘုရား။ သူအဖမ်းခံခဲ့ရပုံကိုလည်း ခုလိုပြောပြပါတယ်။ ၈၈ ခုနှစ်၊ နိုဝင်ဘာ (၅) ရက်နေ့မှာ ကိစ္စတခုရှိလို့ အပြင်ကိုခဏသွားတယ်။ ကန်ဘဲ့ ကားမှတ် တိုင်မှာ ကားစောင့်နေတုန်း ပထမအကြိမ်အဖမ်းခံရတယ်။ ရဲစခန်းရောက်သွားတယ်။ ရဲစခန်းရောက်တော့ မင်းသမီးစခန်းကို ကျောင်း သားတွေပို့ပေးသလား၊ မင်းသမီးစခန်းဆိုတာ ဘယ်မှာရှိလဲ၊ အဆက်အသွယ်ရှိသလား ဘာညာနဲ့ မေးတယ်။ တော်တော်လေးစုံအောင်မေးပြီးတော့ ပြန်လွတ်ပေးလိုက်တယ်။ အရေးအခင်းကာလတုန်းက အဲဒီရဲစခန်းကို ဆန္ဒပြသူတွေက မီးရှို့မယ် လုပ်တော တပည့်တော်ကတားလို့ မီးမရှို့ဖြစ်ဘူး။ အဲဒါတွေကိုသူတို့ သိတယ်။ တပည့်တော်လည်း အန္တရာယ်ရှိနေပြီဆိုတာတော့သိနေပြီ။
အခြေအနေမပျက် ကျောင်းမှာပြန်နေပြီး စာသင်စာချအလုပ်တွေဆက်လုပ်ရင်း တဘက်ကလည်း နိုင်ငံရေးလှုပ်ရှားမှုတွေကို သိုသို သိပ်သိပ် ဆက်လုပ်နေတယ်။ ၉၁ ခုနှစ်၊ ဖေဖ၀ါရီ (၁၈) ရက်နေ့၊ ည (၁၂) နာရီလောက်မှာ စစ်ကား (၁၂) စီးလောက်နဲ စစ်တပ်လုံထိန်း ရဲတွေလူအင်အား (၄၀၀) ကျော်လောက်က မေဒီနီကျောင်းတိုက်ကိုဝိုင်းထားပြီး သူတို့လိုချင်တဲ့ သံဃာစာရင်းတွေပြပြီး လာဖမ်းတယ်။ တပည့်တော်အပါအ၀င် (၂၃) ပါးကိုဖမ်းပြီး ရန်ကုန်ခြောက်ထပ်ကြီးတရားရုံးကိုခေါ်သွားတယ်။ အခန်းကျယ်ကြီးထဲမှာ သံဃာတွေကိုစုပြုံပြီး ထားတယ်။ နောက်နေ့မနက် (၉) နာရီလောက်မှာ တပည့်တော်တပါးထဲကို ထောက်လှမ်းရေး (၁၂) က ဗိုလ်ကြီးတင်ထွန်းကစစ်တယ်။ အစတုန်းကတော့ အေးအေးဆေးဆေးမေးပါတယ်။ ပတ္တနိကုဇ္ဖန ကံဆောင်တုန်းကပါလား။ ရဟန်းပျိုသမဂ္ဂမှာ ဥက္ကဌလုပ်ခဲ့တယ်မဟုတ်လားမေးတယ်။
တပည့်တော်လည်း အမှန်အတိုင်းဘဲဖြေတယ်။ ဟုတ်တယ် လုပ်ခဲ့တယ်လို့ အမှန်အတိုင်းဖြေတယ်။ တပည့်တော်နဲ့ပက်သက်တဲ့သူတို့ စုဆောင်းထားတဲ့အချက် အလက်တွေထုတ်ပြတယ်။ တပည့်တော်ငယ်ငယ်တုန်းက ရဟန်းမ၀တ်ခင် (၁၅) နှစ်သားလောက်တုန်းက လက်ဝှေ့ထိုးဘူးတယ်။ အဲဒါတွေကအစ သူတို့သိနေတယ်။ တပည့်တော်ကို သေနတ်နဲ့ချိန်ပြီး အသေခံမလား အမှန်အတိုင်းပြောမလား ကြိုက်တဲ့လမ်းကိုရွေးလို့ ခြိမ်းခြောက်တယ်။
နောက်တော့ သူတို့လိုချင်တဲ့အဖြေမရတော့ေ-ာက်ကောင် -ေ-ာက် ဘုန်းကြီး ခေါင်းမာတယ်ဆိုပြီး မျိုးစုံအောင်ဆဲတယ်။ သူ့တပည့် သုံးယောက်ကိုခေါ်ပြီး တပည့်တော်လက်တဘက်စီကို နောက်ပြန်လူနှစ်ယောက်ကိုချုပ်ခိုင်းတယ်။ တယောက်က တပည့်တော်မျက်နှာကို သင်္ကန်းနဲ့စည်းလိုက်ပြီး၊ ဒါက စည်တော်ကြီးထိုးကွ ဒါက စည်တော်လေးထိုးကွပြောပြီး မျက်နှာနဲ့ရင်ဘက်တွေကို ၀ိုင်းထိုးတာ တပည့် တော်မေ့သွားတယ်။
တပည့်တော်သတိရလာတော့ ရှေ့သွားတချောင်းကျိုးနေပြီ။ တကိုယ်လုံးသွေးတွေပေနေတာတွေ့ရတယ်။ နောက်တော့ အတင်းလူ ၀တ်လဲခိုင်းတယ်။ (၃) ရက်လောက်စစ်ပြီးတော့ အင်းစိန်ကိုပို့လိုက်တယ်။ တိုတိုပြောရရင်တော့ဘုရား တပည့်တော်ကို ၅/ညပုဒ်မ တပ်ပြီး စစ်ခုံရုံးက ထောင်ဒဏ် (၇) နှစ်ချလိုက်တယ်ဘုရားလို့ ... သူအဖမ်းခံ အနှိပ်စက်ခံခဲ့ရတာတွေကို ရှည်လျားစွာ နာနာကျင်ကျင်ပြောပြပါတယ်။
သူ ပြောပြတာတွေကိုနားထောင်ပြီး အတော်လေးစိတ်မကောင်းဖြစ်မိသလို စစ်တပ်ဆိုတာ ပစ်ရင်မှန်အောင်ပစ်တယ် မိုးပေါ်ထောင်ပစ်တာ မပါဘူးဆိုတဲ့ ဗိုလ်နေ၀င်းရဲ့စကားကို နားထဲမှာကြားယောင်လာပါတယ်။
ထောင်ထဲမှာနေခဲ့ရတဲ့အခြေအနေလေးတွေပြောပြပါဦးဘုရားဆိုတော့ ထောင်ထဲကအကြောင်းတွေက အတော်များများလည်းကြားဘူး နေကြလို့ သိပြီးသားဖြစ်မှာပါ။ အကျဉ်းသားတွေကို တိရစ္ဆာန်တွေလို ဆက်ဆံသဘောထားတဲ့နေရာတွေဖြစ်သလို၊ လူ့တန်ဘိုးကို အသိအမှတ် မပြုတဲ့နေရာတွေပါ။ စဉ်းစားသာကြည့်ပေတော့ အရှင်ဘုရားရေတဲ့။
ထောင်ထဲမှာ ထူးထူးခြားကြုံခဲ့ရတဲ့ ရယ်စရာအဖြစ်အပျက်တခုကိုပြောပြပါသေးတယ်။ တနေ့မှာ သာယာဝတီထောင်ပိုင်ကြီး ဦးမြင့်သိန်း (တက္ကသိုလ်မြင့်သိန်း) က တပည့်တော်တို့ ဘုန်းကြီးတွေ အလုပ်မရှိ အလကားနေနေတာ။ အဲဒီတော့ တပါးကို တနေ့ယင်ကောင် အ ကောင် (၂၀၀) ဖမ်းပေးရမယ်လိုလာပြောတယ်။ တပည့်တော်တို့ သာယာဝတီထောင်မှာ အဲဒီတုန်းက ဘုန်းကြီး (၁၄) ပါးရှိ တယ်။ ငယ်ငယ်ထဲကဘုန်းကြီးဝတ်လာတာ သူများအသက်သတ်ဘို့မဟုတ်ဘူး၊ မလုပ်နိုင်ဘူးပြောလိုက်လို့ အအေးတိုက်ထဲပို့တာခံခဲ့ ရသေးတယ်ဘုရားလို့ ရယ်ရယ်မောမောနဲ့ ပြောပြပါတယ်။ (အဲဒီထောင်ပိုင်ဘကီး နောက်ပိုင်းရူးသွားတာကို မျက်မြင်တွေ့ ရကြောင်းပြောပြ ပါတယ်)
ဆရာတော်ဟာ ထောင်တွင်းဘာသာရေးအခမ်းအနားတွေမှာ အပရိဟာနိယတရား (၇) ပါးဟောမိလို့ ခြေတွေလက်တွေကို ဒေါက်ခြေချင်း ခတ်တာကိုခံခဲ့ရပြီး အမှောင်တိုက်ထဲလည်း အပို့ခံရဘူးကြောင်းလည်းပြောပြပါသေးတယ်။
ဆရာတော်ဟာ အင်းစိန်ထောင်၊ သရက်ထောင်၊ သာယာဝတီထောင်တို့မှာ ငါးနှစ်နဲ့ရှစ်လနေခဲ့ရပြီး ၁၉၉၅ ခုနှစ်၊ မတ်လ (၁၅) ရက်နေ့ မှာ ထောင်ကလွတ်မြောက်လာခဲ့ပါတယ်။ ၂၀၀၆ ခုနှစ်မှာတော့ အမေရိကန်နိုင်ငံကိုထွက်ခွာလာခဲ့ပြီး မြောက်ကာရိုလိုင်းနားပြည်နယ်မှာ ဓမ္မိကာရာမသာ သနာ့ ရိပ်သာကိုတည်ထောင်ပြီး အမျိုး ဘာသာ သာသနာအတွက် ဆက်လက်ဆောင်ရွက်လျက်ရှိပါတယ်။
မိုးမခ ဘလော့မှကူးယူဖေါ်ပြပါသည်။
0 comments:
Post a Comment